Chto moža zamianić Makieja

Čałaviek, što zajmaje hetuju pasadu, adzin z najbližejšych da kiraŭnika krainy. «Biełaruski partyzan» navat adznačaŭ, što tolki kabiniet Makieja znachodzicca na adnym paviersie z Łukašenkavym.

U 2008 pryznačeńnie Makieja ŭsprymałasia z peŭnym entuzijazmam. Jakraz na pieryjad paśla prychodu Makieja prypała «adliha».

Potym było 19 śniežnia. Paśla jakoha Makiej jašče sprabavaŭ pa starych suviaziach źviazacca ź jeŭrapiejskimi kiraŭnikami.

Sioleta Makiej nieadnarazova adznačaŭsia rezkimi zajavami adnosna sankcyj i losaŭ palitviaźniaŭ. Stała zrazumieła, što Makiej zusim nie «hołub», a prosty Maŭčalin.

Ciapier čarhovy raz zahavaryli pra narmalizacyju adnosinaŭ ź Jeŭropaj. Vidać, dla hetaj misii patrebny novy čałaviek.

Ale hałoŭnaje navat nie narmalizacyja — jana maje druharadnaje značeńnie dla sistemy. Hałoŭnaje —

Łukašenka nie lubić, kab kadry zasiedžvalisia na pasadach, jakija nie patrabujuć śpiecyfičnych viedaŭ. Jahony pryncyp — patrebnaja ratacyja, kab čynoŭniki nie abrastali tłuščam.

Kali ratacyja adbudziecca, dyk chto moža zamianić Makieja?

Valancin Rybakoŭ

Sam Makiej pryjšoŭ u kresła kiraŭnika Administracyi prezidenta z pasady pamočnika prezidenta. Kali pahladzieć na siońniašnich pamočnikaŭ, to sa śpisa vyłučajucca troje: Rybakoŭ, Piatkievič i Łukašenka. Majecca na ŭvazie Viktar Łukašenka.

Karjerny šlach Valancina Rybakova niečym nahadvaje prychod Makieja.

Byłyja kalehi Rybakova kažuć, što «jon z Makiejem adnaho pola jahady». Adznačajecca, što Rybakoŭ vydatny pierakładčyk, što lohka tłumačyć dostup da kiraŭnika krainy.

Niadaŭna sajt WikiLeaks nadrukavaŭ ź dziasiatak depieš, dzie ŭzhadvajecca imia Rybakova. Mienavita praź jaho išli kantakty aficyjnaha Minska z pasolstvam ZŠA. Nie vyklučana, što takija ž kantakty jon moh mieć i ź jeŭrapiejcami.

Zrešty, nie varta adkidvać mahčymaści pryznačeńnia i ciapierašniaha pamočnika pa biaśpiecy Viktara Łukašenki.

Mikałaj Snapkoŭ

Padčas zvarotu Łukašenki da naroda i parłamienta možna było źviarnuć uvahu, što pobač ź Viktaram Łukašenkam siadzieŭ ministr ekanomiki Mikałaj Snapkoŭ.

Snapkoŭ z Mahilova. Jon pracavaŭ buchhałtaram i ekanamistam na nievysokich pasadach u Drybinskim i Horackim rajonach. Potym nabiraŭsia dośviedu ŭ abłvykankamie. U 2009 jaho pieravodziać u Administracyju prezidenta. A praz paru miesiacaŭ robiać ministram ekanomiki zamiest piensijaniera Zajčanki.

Pisali, što Snapkoŭ i Viktar Łukašenka žanatyja na rodnych siostrach.

Niezaležnyja analityki nazyvajuć Snapkova pryncypovym «rynačnikam» va ŭradzie Miaśnikoviča.

Snapkoŭ naradziŭsia ŭ 1969. Da hetaha ŭsie kiraŭniki Administracyi (ich było šaściora) byli z adnaho pakaleńnia, narodžanych u 1950-ja.

Snapkoŭ z časam moža daraści da premjer-ministra, adnak hetaja daroha moža iści i praz Administracyju — kali načalnik dziaržavy paličyć patrebnym zrabić hałoŭnym kadravikom śpiecyjalista pa rynku.

Radźkoŭ, Tur

Tasavańniem abojmy možna było b nazvać zamienu Makieja na niekaha ź jahonych namieśnikaŭ.

Kali Radźkoŭ zajmaŭ pasadu ministra adukacyi, pry im spyniłasia vykładańnie historyi Biełarusi na biełaruskaj movie, zatoje za palityku masava vyhaniali z univiersitetaŭ. Zrešty, Radźkoŭ nikoli nie vyłučaŭsia niezaležnaściu ŭ pryniaćci rašeńniaŭ.

Dyj nie samy pradstaŭničy Radźkoŭ, jak i Andrej Tur, aŭtar słavutaha «Družyšča, ty žyvieš nie pa srodkach». Tur maje reputacyju «fluhiera», jaki dziejničaje tolki pa zahadzie źvierchu.

Vadzim Zajcaŭ

Kali skakać ad piečki nie Jeŭrasajuza, a Rasii, to naša ŭschodniaja susiedka, vidać, stanoŭča ŭspryniała b pryznačeńnie ŭ Administracyju staršyni KDB Vadzima Zajcava.

Račkoŭski i Daŭhaloŭ

Kali prajścisia pa siłavikach, to varta adznačyć jašče ŭśmiešlivaha kiraŭnika pamiežnaha kamiteta Ihara Račkoŭskaha, jašče adnaho prateže Viktara Łukašenki.

Svatali ŭ Administracyju prezidenta i jašče adnaho vieterana biełaruskaj palityki — byłoha pasła Biełarusi ŭ Rasii Vasila Daŭhalova. Praŭda, jon niadaŭna atrymaŭ kresła ŭ «Biełhazprambanku».

• 0
• 0
• 0
• 0
• 0
• 0
• 0
• 0