Prajekt prahramy raźvićcia aviečkahadoŭli raspracujuć da vieraśnia 2

Paviedamiŭ na pres-kanfierencyi ŭ Minsku 17 maja namieśnik ministra sielskaj haspadarki i charčavańnia Vasil Kazakievič.

«Jość daručeńnie kiraŭnika dziaržavy raspracavać prahramu raźvićcia aviečkahadoŭli. Siońnia stvorana adpaviednaja rabočaja hrupa pa raspracoŭcy prajekta prahramy, i da vieraśnia my płanujem jaho raspracavać», — skazaŭ Kazakievič.

Pavodle infarmacyi namieśnika ministra, u haspadarkach Biełarusi prykładna 50 tysiač hałoŭ aviečak. «Jość plemiannaja haspadarka ŭ Bresckaj vobłaści, niekalki — u Minskaj vobłaści, ale asnoŭnaje pahałoŭje aviečak zasiarodžana ŭ pryvatnym siektary», — adznačyŭ jon.

Kazakievič nahadaŭ, što «daručeńnie kiraŭnika dziaržavy było źviazana z našym kamvolnym kambinatam i „Biellehpramam“ z metaj zabieśpiačeńnia nieabchodnaj syravinaj».

Adnak kab zakryć patrebu ŭ 5 tysiač ton voŭny, nieabchodna mieć prykładna 1,5 młn. pahałoŭja aviečak.

Častkova vyrašyć heta pytańnie možna šlacham zavozu plemiannoha pahałoŭja z-za miažy. «Ale, zychodziačy z našych vieterynarnych patrabavańniaŭ, jość adzinki krain, adkul možna było b zavieźci heta pahałoŭje», — padkreśliŭ namieśnik ministra.

U svaju čarhu hienieralny dyrektar Navukova-praktyčnaha centra NANB pa žyviołahadoŭli Mikałaj Papkoŭ adznačyŭ, što patrebny razumny padychod dla raźvićcia aviečkahadoŭli. «My spakojna možam mieć pahałoŭje aviečak u 150–200 tysiač. Ale treba pradumać i zabiaśpiečyć ekanamičny składnik raźvićcia haliny», — adznačyŭ Papkoŭ.

Pavodle jaho słoŭ, jość kompleks pytańniaŭ, jakija treba acanić, vyvučyć, pradumać i potym paetapna realizoŭvać. U pryvatnaści, nieabchodna adradzić materyjalna-techničnuju bazu, stvaryć plemiannuju bazu, nanova adradzić bazu pa piarvičnaj pierapracoŭcy voŭny, vyznačycca z parodami. «Ale, dumaju, pastupova heta halina budzie adradžacca, i heta pravilna», — padkreśliŭ Papkoŭ.

0

0

0

0

0

0

BiełaPAN

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH