Čylijski režysior źniaŭ amal kamiedyju pra toje, jak kapirajtar zrynuŭ Pinačeta.
Pabła Łarain — aŭtar niekalkich filmaŭ pra epochu Pinačeta.
Jaho novaja karcina «Nie», tolki što pakazanaja ŭ kanskim «Dvuchtydnioviku režysioraŭ», raspaviadaje pra toje, jak dyktatura ŭ Čyli skončyłasia, — i heta amal kamiedyja.
Režym mieŭ patrebu ŭ lehitymizacyi za miažoj, i ŭ
Zhodna z zakonam praciŭniki dyktatara na 27 dzion atrymali dostup da teleefiru — i heta akaličnaść źmianiła chod čylijskaj historyi.
Hałoŭny hieroj karciny Rene Saaviedra (Hael Harsija Biernal) — kapirajtar z bujnoha rekłamnaha ahienctva. Heta vydumany piersanaž, u jakoha było niekalki realnych pratatypaŭ.
Saaviedra — typovy pradstaŭnik kreatyŭnaha kłasa: lubić skiejt, honačnyja mašyny i cacačnuju čyhunku svajho syna, u palityku nie ŭmiešvajecca, žyćcio jaho bolš čym kamfortnaje.Bieź vialikaj achvoty (abaviazacielstvy pierad siabrami baćkoŭ) jon zhadžajecca prydumać stratehiju dla kampanii «Nie» (suprać Pinačeta), pierakanaŭšy zakazčyka nie raspaviadać ab złačynstvach dyktatara i nie pakazvać źniaviečanyja cieły jaho achviar. Saaviedra zdymaje roliki, u jakich pa ekranie skačuć ščaślivyja padletki, chor žančyn śpiavaje viasiołuju pieśniu (pa sensie i matyvu — niešta nakštałt «Byvaj, piz…ł»), u promniach sonca z uzhorka spuskajecca dvuchmiatrovy pryhažun.
Budučynia bieź Pinačeta akazvajecca nie tolki mahčymaj — jana vyhladaje pryvabnaj,jak butelka
Apazicyja zahadzia ŭpeŭnienaja ŭ parazie: Pinačeta padtrymlivaje bolšaść nasielnictva.(«Jon vyjhraje navat biez falsifikacyi vybaraŭ», — kaža adzin ź piersanažaŭ.)
Susiedka hałoŭnaha hieroja źbirajecca hałasavać za padaŭžeńnie paŭnamoctvaŭ, tamu što šanuje stabilnaść (dziaržaŭnaja prapahanda, adpaviedna, abvinavačvaje supiernikaŭ u razhojdvańni łodki). Byłaja žonka paprakaje Rene za kałabaracyjanizm, bo ŭdzielničać u vybarach — značyć hulać pa praviłach dyktatara i być kałabaracyjanistam. Načalnik prapanuje dolu ŭ kampanii, kali hieroj admovicca ad prajektu.Saaviedra nie zhadžajecca, davodzić spravu da kanca, niahledziačy na viałaje zapałochvańnie z boku sastarełaha režymu, — i niečakana pieramahaje.
Dyktatura, jakaja zdavałasia nieparušnaj, biasśledna raśsiejvajecca za adnu noč.
Ciapier čytajuć
«Razahnać darmajedaŭ! Addać ludziam ziamlu!» Traktaryst z Chojnikaŭ, jaki ciapier žyvie ŭ Łatvii, paraŭnaŭ sielskuju haspadarku tam i ŭ nas13
Kamientary