PAŠTOŬKA Z AMERYKI
Duke Tower pracinaje nieba
sonny Daram składajecca ŭdvaja
zapichvajecca ŭ kapertu
i niekali paštarka pryniasie tabie
adcinak hetaj Badryjaravaj pustelni
biaskoncaj uśmieški
na vialikim tvary
što napiaty na kulturnuju tradycyju
mahčyma dabrabyt
albo dobarazyčlivaść
jak chočacca tabie mnie pažadać
viasnovaj ščyraj uśmieški
i ŭpeŭnienaści
što śviet nia źnik
navat kali ty na Akreścina
praz kraty ci nia čuješ
raśćvitaje pieramohi bez
PAKOI
Vitalnia
u vitalniach vitajucca
tolki ty prachodziš jaje panuryŭšy zrok dołu
ŭ svoj ofis dastaješ ź biuro pistalet
i hladziš što jon zaradžany
ty nia chočaš paśla rabočaha dnia
pakidać svoj nasiadzieły da hiemaroju
fatel
bo pryjdziecca znoŭ viartacca ŭ vitalniu
dzie pryniata vitacca
Prybiralnia
my z vami atručanyja roznym
ja kapitalizmam i rokam
vy łukašyzmam i tamatnym sokam
jaki vam pradali ŭ kramie
skazali što śviežy
vaš straŭnik heta adčuŭ
Haścioŭnia
my ŭ hetym śviecie na imhnieńnie
žyh — i niama
i jak ty pražyvieš hety čas zaležyć
tolki ad ciabie i ad abstavinaŭ
najhoršaje ŭ śviecie adzinota
siabry siabrami zastajucca
navat kali śviet
navokał padaje ŭ prorvu
kali vočy AMONaŭca
biezemacyjna hladziać
by duły aŭtamataŭ
ty adčuvaješ ruki siabroŭ
u svaich rukoch
Zala
16-ha śviečka ŭ tvaim aknie
mnie nahadała što ty blizka tak
usiaho praz vulicu
i my z taboj užo nia bačylisia
ad pačatku śniežnia
jak šparka biažyć čas
niby mašyny pa haścincu
ale praz škło ja baču
što my razam
i heta akrylaje
Maravija ŭva Ŭinstan-Salemie
jany razmaŭlajuć na dziŭnaj movie
hatujuć šykoŭnaje piečyva sa smakam imbiercu
apranajuć staražytnyja stroi
ich śviet — lalečny teatar dla turystaŭ
dziavočy relihijny kaledž
carkva taverna dzie nočyŭ džordž vašynhton
Biblija na staraniamieckaj movie
raźbiarnia kuźnia ciaślarnia
ŭsiaho za dvaccatku
lalki cacki piečyva PIEČYVA
aŭtentyka ŭsio sapraŭdnaje
navat prybiralnia a-la v.Inčuki
voś tolki ŭ chlavie schavany
za dryvałkaj
aŭtamat z Coca-Cola
a la staražytnych chatak
pryparkavanyja mašyny
z paŭnočna-karalinskimi numarami
Ŭinstan-Salem (ZŠA)
