BČ z 27 maja ŭvodzić novy hrafik ruchu ciahnikoŭ

paviedamiŭ namieśnik načalnika pasažyrskaj słužby BČ Siarhiej Mackievič.

Novym hrafikam praduhledžanaje kursavańnie na biełaruskaj mahistrali 128 par pasažyrskich ciahnikoŭ, ź jakich 87 — mižnarodnaha i 41 — unutryrespublikanskaha złučeńnia (u tym liku 9 par ciahnikoŭ rehijanalnych linij novaha farmatu pasažyrskich pieravozak).

Dla zadavalnieńnia popytu na pieravozki pasažyraŭ ciahnikami rehijanalnych linij novym hrafikam praduhledžanaje štodzionnaje kursavańnie čatyroch par elektraciahnikoŭ rehijanalnych linij biznes-kłasa pa maršrucie Minsk — Baranavičy — Minsk i troch par — pa maršrucie Baranavičy — Brest — Baranavičy. Na ŭčastkach Kalinkavičy — Słaviečna i Kalinkavičy — Vasilevičy — Chojniki buduć kursavać adnavahonnyja dyziel-ciahniki rehijanalnych linij ekanom-kłasa. Z uvodam novaha hrafika na nazvanych maršrutach častata kursavańnia takich ciahnikoŭ budzie pavialičanaja z 2 da 5 razoŭ na dzień u kožny bok.

U novym hrafiku praduhledžanaje kursavańnie 456 par pryharadnych ciahnikoŭ (na 15 par bolš, čym u minułym hodzie), ź ich 184 pary buduć kursavać u Minskaj pryharadnaj zonie.

Ciapier čyhunačnaje pasažyrskaje złučeńnie źviazvaje Biełaruś z usimi susiednimi krainami — Rasijaj, Ukrainaj, Polščaj, Litvoj, Łatvijaj. «Hrafik ruchu ciahnikoŭ na 2012/2013 hh. praduhledžvaje pašyreńnie maršrutnaj transpartnaj sietki pry arhanizacyi mižnarodnych pieravozak pasažyraŭ, u tym liku na ŭmovach parytetu z łatvijskim bokam kožny dzień budzie kursavać pasažyrski ciahnik № 88/87 Minsk — Ryha. Da hetaha času štodnia jon pieravoziŭ pasažyraŭ tolki ŭ letni pieryjad, a ŭ zimovy — dva razy na tydzień», — kaža pradstaŭnik BČ.

U letni pieryjad, a taksama padčas śviatočnych dzion i školnych kanikuł płanujecca pryznačeńnie dadatkovych ciahnikoŭ i bieśpierasadačnych vahonaŭ, jakija kursujuć jak unutry respubliki, tak i pa mižnarodnych maršrutach.

Biełaruskaja čyhunka pravodzić rabotu pa abnaŭleńni i madernizacyi parku pasažyrskich vahonaŭ. U pieryjad z 2007—2011 hh. na BČ pastaŭlenyja 163 pasažyrskija vahony vytvorčaści Minskaha i Homielskaha vahonaramontnych zavodaŭ, što dazvoliła zabiaśpiečyć bolš kamfortnyja ŭmovy prajezdu pasažyraŭ. Sučasnyja vahony abstalavanyja sistemami ekałahična čystych tualetnych kompleksaŭ, kandycyjanavańnia pavietra, madernizavanymi sistemami enierhazabieśpiačeńnia. U hetym hodzie płanujecca nabyć jašče 28 pasažyrskich vahonaŭ roznaha kłasa, pravieści ramont 1064 pasažyrskich vahonaŭ. Ciapier dola vahonaŭ, abstalavanych sistemami kandycyjanavańnia pavietra, u parku BČ składaje kala 36% (u minułym hodzie hety pakazčyk byŭ na ŭzroŭni 32%).

• 0
• 0
• 0
• 0
• 0
• 0
• 0
• 0