БЧ з 27 мая ўводзіць новы графік руху цягнікоў

паведаміў намеснік начальніка пасажырскай службы БЧ Сяргей Мацкевіч.

Новым графікам прадугледжанае курсаванне на беларускай магістралі 128 пар пасажырскіх цягнікоў, з якіх 87 — міжнароднага і 41 — унутрырэспубліканскага злучэння (у тым ліку 9 пар цягнікоў рэгіянальных ліній новага фармату пасажырскіх перавозак).

Для задавальнення попыту на перавозкі пасажыраў цягнікамі рэгіянальных ліній новым графікам прадугледжанае штодзённае курсаванне чатырох пар электрацягнікоў рэгіянальных ліній бізнэс-класа па маршруце Мінск — Баранавічы — Мінск і трох пар — па маршруце Баранавічы — Брэст — Баранавічы. На ўчастках Калінкавічы — Славечна і Калінкавічы — Васілевічы — Хойнікі будуць курсаваць аднавагонныя дызель-цягнікі рэгіянальных ліній эканом-класа. З уводам новага графіка на названых маршрутах частата курсавання такіх цягнікоў будзе павялічаная з 2 да 5 разоў на дзень у кожны бок.

У новым графіку прадугледжанае курсаванне 456 пар прыгарадных цягнікоў (на 15 пар больш, чым у мінулым годзе), з іх 184 пары будуць курсаваць у Мінскай прыгараднай зоне.

Цяпер чыгуначнае пасажырскае злучэнне звязвае Беларусь з усімі суседнімі краінамі — Расіяй, Украінай, Польшчай, Літвой, Латвіяй. «Графік руху цягнікоў на 2012/2013 гг. прадугледжвае пашырэнне маршрутнай транспартнай сеткі пры арганізацыі міжнародных перавозак пасажыраў, у тым ліку на ўмовах парытэту з латвійскім бокам кожны дзень будзе курсаваць пасажырскі цягнік № 88/87 Мінск — Рыга. Да гэтага часу штодня ён перавозіў пасажыраў толькі ў летні перыяд, а ў зімовы — два разы на тыдзень», — кажа прадстаўнік БЧ.

У летні перыяд, а таксама падчас святочных дзён і школьных канікул плануецца прызначэнне дадатковых цягнікоў і бесперасадачных вагонаў, якія курсуюць як унутры рэспублікі, так і па міжнародных маршрутах.

Беларуская чыгунка праводзіць работу па абнаўленні і мадэрнізацыі парку пасажырскіх вагонаў. У перыяд з 2007—2011 гг. на БЧ пастаўленыя 163 пасажырскія вагоны вытворчасці Мінскага і Гомельскага вагонарамонтных заводаў, што дазволіла забяспечыць больш камфортныя ўмовы праезду пасажыраў. Сучасныя вагоны абсталяваныя сістэмамі экалагічна чыстых туалетных комплексаў, кандыцыянавання паветра, мадэрнізаванымі сістэмамі энергазабеспячэння. У гэтым годзе плануецца набыць яшчэ 28 пасажырскіх вагонаў рознага класа, правесці рамонт 1064 пасажырскіх вагонаў. Цяпер доля вагонаў, абсталяваных сістэмамі кандыцыянавання паветра, у парку БЧ складае каля 36% (у мінулым годзе гэты паказчык быў на ўзроўні 32%).

• 0
• 0
• 0
• 0
• 0
• 0
• 0
• 0