Parady jurystaŭ.
Napiaredadni samaj masavaj viasnovaj akcyi, jakaja adbudziecca 25 sakavika ŭ Dzień Voli, siabry moładzievych arhanizacyj zaklučyli damovy z advakatami na vypadak zatrymańnia. Pavodle novaha Administracyjnaha kodeksu zatrymanyja majuć bolš mahčymaściaŭ dla svajoj abarony. Što rabić, kali vas zatrymali na mirnaj akcyi, a vinavaciać u drobnym chulihanstvie?
Pavodle novaha Administracyjnaha kodeksu ad momantu zatrymańnia čałaviek moža patrabavać advakata. Aproč taho, milicyjanty, jakija zatrymlivajuć hramadzianina, musiać znajści śviedak, jakija b dali pakazańni dla pratakołu i ŭ sudzie. Ale ciaham dvuch sutak supracoŭniki milicyi zatrymali bolš za dziesiatak moładzievych aktyvistaŭ na vulicy, kali tyja vychodzili z domu, ci na prypynkach hramadzkaha transpartu i ni ŭ adnym vypadku nie zaprasili śviedak incydentaŭ. Juryst i pravaabaronca Alena Tankačova raić patrabavać ad milicyjantaŭ vykanańnia zakanadaŭstva.
«Kali čałaviek apynuŭsia ŭ takim miescy, jon, naturalna, hublajecca. Samaje razumnaje, nie vyklikać svaimi dziejańniami ahresii. Jak tolki čałavieka pryvieźli ŭ milicyju i kažuć jamu, što pratrymajuć try hadziny dla vyśviatleńnia jahonaj asoby, jon moža patrabavać abaroncu. Milicyjanty abaviazany źviazacca ź dziažurnym advakatam, albo z tym, ź jakim u zatrymanaha jość damova. Pakul advakat nie pryjdzie, možna nie davać pakazańniaŭ. Kali vinavaciać u drobnym chulihanstvie, a zatrymali za ŭdzieł u akcyi, to treba napisać proźviščy asobaŭ, jakija byli śviedkami zatrymańnia, u pratakole.»
Jurysty ŭkazvajuć, što advakat moža sustrakacca z padabaronnym i paśla składańnia pratakołu. Alena Tankačova pryhadała sytuacyju z Barysam Hareckim:
«Admovili advakatu, spasłaŭšysia na toje, što ŭžo składzieny pratakoł. Heta było jaŭnym parušeńniem administracyjnaha kodeksu. Jak tolki źjaviŭsia advakat, jon musić bieśpieraškodna razmaŭlać sa svaim padabaronnym kolki patrebna i sam?na?sam».
Jurysty rajać na ŭsie vypadki parušeńnia zakanadaŭstva z boku milicyjantaŭ padavać skarhi, navat, kali čałaviek ličyć heta biessensoŭnym.
«Tolki šlacham metadyčnych sprobaŭ pryciahnieńnia ich da adkaznaści za nievykanańnie dziejučych normaŭ zakanadaŭstva».
Siońnia ranicaj u mienskija rajonnyja sudy pryviazuć zatrymanych učora ŭviečary aktyvistaŭ moładzievaha ruchu Źmitra Fiedaruka, Ludmiłu Atakułavu, Jaŭhiena Ščatko, Alaksieja Šydłoŭskaha dy inšych. Ich zatrymali ŭ roznych miescach stalicy. Usich abvinavacili ŭ drobnym chulihanstvie. Kali zatrymlivali Źmitra Fiedaruka i Ludmiłu Atakułavu, milicyjanty admovilisia pradstavicca i paviedamić pryčynu zatrymańnia. Aproč taho, jany admovili minakam dać pakazańni ŭ jakaści śviedak. U sudzie Savieckaha rajonu buduć razhladać pratakoły Vincuka Viačorki i Viačasłava Siŭčyka, jakich taksama abvinavačvajuć u drobnym chulihanstvie. Ich advakaty paviedamili, što buduć nastojvać na vykanańni normaŭ zakonu.
Stali viadomyja žachlivyja abstaviny śmierci byłoha vučonaha sakratara Instytuta historyi. Jamu było 45 hadoŭ32
Stali viadomyja žachlivyja abstaviny śmierci byłoha vučonaha sakratara Instytuta historyi. Jamu było 45 hadoŭ
Jaje nie chacieli brać u muzyčnuju škołu, a ŭ 14 jana syhrała ŭ Karniehi-chole ŭ Ńju-Jorku. Biełaruskaja skrypačka — pra žyćcio ŭ Łondonie, zarobki i čym skrypka Stradyvary za 14 miljonaŭ jeŭra adroźnivajecca ad zvyčajnaj1414
Kamientary