Ad nieaficyjnaha himna KHB da kłasičnaj «Zimy» na muzyku Eduarda Chanka.
4 červienia nie stała Eduarda Chila. Jamu było 77 hadoŭ. Pra toje, što śpiavak mieŭ surjoznyja prablemy sa zdaroŭjem, stała viadoma tydzień tamu, amal vypadkova.
Jon źjaviŭsia na savieckaj estradzie ŭ adzin čas z Muślimam Mahamajevym.
Čas vyznačyŭ repiertuar: ad nieaficyjnaha himna KHB «S čieho načinajetsia Rodina?» da tvista pra apošniuju elektryčku i kłasičnaj «Zimy» na muzyku Eduarda Chanka.
Adnojčy pa prośbie Juryja Haharyna Chil praśpiavaŭ «Dobra być hienierałam». Usie prysutnyja hienierały padnialisia i pakinuli zału, a Chila na hod adpravili ŭ «čorny śpis».Haharyn, ratujučy Chila, tłumačyŭ partyjnamu kiraŭnictvu, što havorka ŭ pieśni idzie pra nataŭskich hienierałaŭ.
Inšym razam, paśla supolnych ź śpievakom Barysam Štokałavym kanadskich hastrolaŭ, Chil ratavaŭ ad «čornaha śpisu» Štokałava, jaki ŭ Taronta praśpiavaŭ «biełahvardziejskuju» pieśniu «Vočy čornyja». Na sakretnym kancercie dla leninhradskaj elity Chil zmusiŭ partyjnych bonzaŭ padpiavać «Vočy čornyja»…
Chil nie byŭ kansiervataram: kali ŭ kancy
śpiavaŭ u Paryžy dla emihrantaŭ — tam na jaho kancerty prychodzili Šarl Aznavur i Mirej Maćjo.Chil ihraŭ samoha siabie ŭ šalonych pierformansach avanhardysta Siarhieja Kurochina —
dva niehry vynosili zakručanaha ŭ dyvan Chila na scenu, a jon pry hetym śpiavaŭ «Eto było niedavno, eto było davno»…
Vybuch papularnaści Eduarda Chila adbyŭsia ŭ 2010 u ZŠA:
Vyjavy z «rasiejskim psichadeličnym śpievakom», jakoha prazvali «Mister Trololo» pačali štampavać na majkach, rolik na Jutubie sabraŭ 12 miljonaŭ prahladaŭ.
Amierykanskija intuzijasty źbirali podpisy, kab arhanizavać tur Chila pa ZŠA.
Papularnaści Eduarda Chila ŭ sakaviku 2010 mahła b pazajzdrościć Łedzi Haha.Sam śpiavak usprymaŭ niečakanuju słavu iranična.
Chil byŭ kudy bolš raźniavolenym za bolšaść savieckich śpievakoŭ, kaža muzyčny krytyk Źmicier Padbiarezski: «Atrymaŭšy akademičnuju, opiernuju adukacyju, jon imknuŭsia abminać aficyjoz. Razam z Mahamajevym jany byli dziorzkimi ŭ svajoj tvorčaści, nie ŭpisvalisia ŭ ramki kandovaj savieckaj patryjatyčnaj pieśni. Mahčyma tamu Chil i nie zmoh zrabić vialikuju karjeru na savieckaj scenie. U tvorčaści Chila było čutno, što, u adroźnieńnie ad bolšaści svaich sučaśnikaŭ, jon rabiŭ svaju spravu ščyra».
Ciapier čytajuć
Na aŭtašou ŭ Lidzie ledź nie zahinuŭ adzin z samych znakamitych kaskadzioraŭ Biełarusi — jaho videa sabrali amal paŭmiljarda prahladaŭ. Što ź im ciapier?2
Kamientary