«Jeŭra-prahnoz»: Ci pieramoža Rasija Čechiju?
Hałandski trenier i dortmundskaje trya.
Polšča — Hrecyja
Pačatak a 19:00.
Prahnoz — 2:0.
Polšča — Hrecyja vosiem hadoŭ nazad užo pieramahała ŭ matčy adkryćcia Jeŭra haspadara turnira. U 2004 jany apynulisia macniejšyja za partuhalcaŭ. Tady ž hreki i stali čempijonami kantynienta.
Na minułym Jeŭra haspadary (šviejcarcy) taksama sastupili ŭ pieršaj sustrečy.
I ŭsio ž zdajecca, što sioleta tendencyja nie praciahniecca. Kali mierkavać pa tavaryskich sustrečach, to Polšča ŭ vydatnaj formie. Try suchija pieramohi pierad Jeŭra. Plus faktar rodnych trybunaŭ.
Možna śmieła kazać, što šmat hałoŭ zaŭziatary nie pabačać. I ŭsio palaki pavinny, choć adnojčy, ale pakarać hrekaŭ. Zhulanaje «dortmundskaje trya» Levandoŭski, Błaščykoŭski, Pišček pavinny stać fundamientam pieramohi.
Rasija — Čechija
Pačatak a 21:45.
Prahnoz — 1:0.
U našaj uschodniaj susiedki lohkaja ejfaryja paśla bujnoj pieramohi nad Italijaj. Ale ž nie treba zabyvacca, što pierad hetym była nulavaja ničyja ź Litvoj. Rasija niestabilnaja kamanda.
Čechaŭ ciažka adnieści da favarytaŭ turnira. Sparynhi pra heta taksama śviedčać. Adzinaja nadzieja — natchnionaja hulnia Pietera Čecha. Kali jon pakaža taki ž kłas, jak i ŭ finale Lihi čempijonaŭ, to płakali rasijskija spadziavańni na pieramohu.
Tym nie mienš u rasijan jašče jość adzin kozyr — trenier Dzik Advakat. Pad kiraŭnictvam hałandcaŭ ruskija zaŭsiody hulajuć lepiej, čym kali na čale damarosłyja nastaŭniki. Rasiejcy pavinny vychodzić z hrupy, a voś u čverćfinale im budzie składaniej.
Jak za biełaruskimi apazicyjanierami špijoniła madel Onlifans8
Kamientary