Minharvykankam pryniaŭ rašeńnie abmiežavać prodaž ałkaholu ŭ stalicy zaŭtra, 9 červienia. Zabarona budzie dziejničać z 15:00 i praciahniecca da 8:00 nastupnaha dnia.Jana źviazana z praviadzieńniem školnych vypusknych viečaroŭ.
Staličnyja ŭłady abmiažoŭvajuć realizacyju piva i słabaałkaholnych napojaŭ z abjomnaj dolaj etyłavaha śpirtu nie bolš za 7% u roźničnaj handlovaj sietki (vyklučajučy abjekty hramadskaha charčavańnia).
Što tyčycca prodažu ałkaholu macunkam zvyš 7%, to ŭ staličnych uładaŭ niama paŭnamoctvaŭ abmiažoŭvać jaho realizacyju. Adnak u adras arhanizacyj handlu nakiravanyja prośby ab tym, kab taksama ŭvieści časovuju zabaronu na prodaž takich napojaŭ u hetyja ž terminy.
Choć, jak pakazaŭ ekśpierymient Onliner.by u dzień praviadzieńnia apošnich zvankoŭ, 30 maja, daloka nie ŭsie staličnyja kramy prysłuchoŭvajucca da rekamiendacyj uładaŭ.
Tak, 30 maja ałkahol svabodna možna było kupić navat u CUMie. Aktyŭna išoŭ handal śpirtnym i ŭ punktach hramadskaha charčavańnia.
0
0
0
0
0
0