Мінгарвыканкам прыняў рашэнне абмежаваць продаж алкаголю ў сталіцы заўтра, 9 чэрвеня. Забарона будзе дзейнічаць з 15:00 і працягнецца да 8:00 наступнага дня.Яна звязана з правядзеннем школьных выпускных вечароў.
Сталічныя ўлады абмяжоўваюць рэалізацыю піва і слабаалкагольных напояў з аб’ёмнай доляй этылавага спірту не больш за 7% у рознічнай гандлёвай сеткі (выключаючы аб’екты грамадскага харчавання).
Што тычыцца продажу алкаголю мацункам звыш 7%, то ў сталічных уладаў няма паўнамоцтваў абмяжоўваць яго рэалізацыю. Аднак у адрас арганізацый гандлю накіраваныя просьбы аб тым, каб таксама ўвесці часовую забарону на продаж такіх напояў у гэтыя ж тэрміны.
Хоць, як паказаў эксперымент Onliner.by у дзень правядзення апошніх званкоў, 30 мая, далёка не ўсе сталічныя крамы прыслухоўваюцца да рэкамендацый уладаў.
Так, 30 мая алкаголь свабодна можна было купіць нават у ЦУМе. Актыўна ішоў гандаль спіртным і ў пунктах грамадскага харчавання.
Цяпер чытаюць
Беларуска ўладкавалася ў кандытарскую краму. Але высветлілася, што за наведванне туалета ёй трэба плаціць14
Каментары