U Kaładziščanskim vykankamie «zarablali» na ŭčastkach
Prakuraturaj Minskaha rajona pravierana vykanańnie sielskimi vykanaŭčymi kamitetami ziamielnaha zakanadaŭstva, u tym liku ŭkaza prezidenta № 667 ad 27 śniežnia 2007 hoda «Ab vyklučeńni i davańni ziamielnych učastkaŭ», a taksama Pałažeńnia ab adzinym paradku ŭliku hramadzian, jakija žadajuć atrymać ziamielnyja ŭčastki dla budaŭnictva i absłuhoŭvańnia adnakvaternych, błakiravanych žyłych damoŭ, zaćvierdžanaha pastanovaj Savieta ministraŭ № 1781 ad 30 śniežnia 2011 hoda.
Jak paviedamili pamočniki prakurora rajona Śviatłana Biełaziorava i Anastasija Marčanka,
padčas pravierki Kaładziščanskaha sielskaha vykanaŭčaha kamiteta vyjaŭleny parušeńni patrabavańniaŭ pałažeńnia ŭ častcy pastanoŭki na ŭlik žadajučych atrymać ziamielnyja ŭčastki dla budaŭnictva i absłuhoŭvańnia žyłoha doma hramadzian, jakija nie stajać na ŭliku dla palapšeńnia žyllovych umoŭ.
Tak, pavodle zakanadaŭstva, abłasnymi vykankamami z ulikam intaresaŭ dziaržavy, miascovych umoŭ i ekanamičnaj efiektyŭnaści mohuć być vyznačany nasielenyja punkty, na terytoryi jakich ziamielnyja ŭčastki vydajucca pavodle vynikaŭ aŭkcyjonu abo bieź jaho praviadzieńnia tolki hramadzianam, jakija majuć patrebu ŭ palapšeńni žyllovych umoŭ. Rašeńniem Minabłvykankama № 418 ad 24 krasavika 2009 hoda da takich nasielenych punktaŭ na terytoryi Minskaha rajona adniesieny ŭsie biez vyklučeńnia nasielenyja punkty. Takim čynam, z ulikam hetaha rašeńnia abłasnych uład usim hramadzianam, jakija nie stajać na ŭliku dla palapšeńnia žyllovych umoŭ i jakija padali zajavu ab pryniaćci na ŭlik žadajučych atrymać ziamielny ŭčastak dla budaŭnictva i absłuhoŭvańnia žyłoha doma na terytoryi Minskaha rajona, pavinna być admoŭlena ŭ pryniaćci na taki ŭlik.
Niahledziačy na heta ŭ Kaładziščanskim sielskim vykankamie ŭ parušeńnie vyšej nazvanych norm hramadzian, jakija nie stajać na ŭliku dla palapšeńnia žyllovych umoŭ, stavili na ŭlik žadajučych atrymać ziamielnyja ŭčastki dla budaŭnictva i absłuhoŭvańnia žyłoha doma. Usiaho z pačatku 2012 hoda sielskim vykankamam pryniata 56 takich niezakonnych rašeńniaŭ. Pavodle vynikaŭ vyjaŭlenych parušeńniaŭ prakuraturaj Minskaha rajona buduć ŭniesienyja akty prakurorskaha nahladu z patrabavańniem admieny niezakonna pryniatych rašeńniaŭ.
Ciapier čytajuć
Biełastok na vušach praź źniknieńnie aktyvista Vajciachoŭskaha, susieda pamierłaha špijona Usiera. A toj ciškom viarnuŭsia ŭ Biełaruś17
Kamientary