Łukašenka: My jašče nie paśpieli stvaryć AEP, a ŭžo syplucca zajavy, jakija jaje razburajuć
«Dumaju, my šmat ab čym možam damovicca».
Alaksandr Łukašenka prapanuje Baškartastanu bolš aktyŭna raźvivać sumiesnyja prajekty ŭ śfiery pramysłovaj kaapieracyi. Pra heta paviedamlajepres-słužba prezidenta Biełarusi pa vynikach praviedzienaj 14 červienia sustrečy Łukašenki z prezidentam Respubliki Baškartastan Rasijskaj Fiederacyi Rustemam Chamitavym.
Baškartastan hatovy naroščvać
«Dumaju, my šmat ab čym možam damovicca. U nas vielmi dobryja kantakty, — pahadziŭsia Łukašenka. — U hetych adnosinach jość dušeŭnaść. Heta darahoha kaštuje, tamu što ŭ naš čas, zanadta burny i, časam, niezrazumieły, inšym razam i pasły nie mohuć razabracca, što adbyvajecca, i ŭ svaich intervju ledź nie ŭmiešvajucca va ŭnutranyja spravy tych ci inšych dziaržaŭ. A heta ich sprava raźbiracca ŭ hetym. Tym nie mienš, našy adnosiny naŭrad ci chtości sapsuje».
Padčas sustrečy ŭ tym liku była zakranutaja i tema pryvatyzacyi biełaruskich aktyvaŭ.
«Ja chaču, kab vy viedali, što my hatovy z vami supracoŭničać na samych demakratyčnych, kali možna tak skazać u ekanomicy, pryncypach. Kali idzie pryvatyzacyja, značyć, tut moža być tolki kruhły stoł, pieramovy.Nu, a kali Rasija siońnia baicca, što naš ahulny rynak adzinaj mytnaj prastory zapoŭniać niejkija tannyja padrobki ź inšych krain, tady nie treba było jaje stvarać. My jašče nie paśpieli jaje stvaryć, a siońnia ŭžo syplucca zajavy, jakija razburajuć hetuju Adzinuju ekanamičnuju prastoru», — skazaŭ Łukašenka.
«My jaje stvaryli dla taho, kab pracavać z horda ŭźniataj hałavoj na hetaj prastory, i kab my zaŭsiody mahli abaranicca ad inšych, abaranić svaich tavaravytvorcaŭ, abaranić svaich ludziej, kab kožny ŭ hetaj Adzinaj ekanamičnaj prastory dziejničaŭ na raŭnapraŭnaj asnovie. Tamu što ŭsie dakumienty zychodziać z hetaha, i kab vialikija i małyja dziaržavy mieli roŭnyja pravy i mahčymaści. Niedapuščalna, kali, skažam, dzieści štości atrymałasia ŭ adnoj dziaržavy, a astatnija (dziaržavy AEP) pačynajuć jaje nachilać i dušyć», — adznačyŭ kiraŭnik biełaruskaj dziaržavy.
Pavodle jaho słoŭ, pytańni ab pryvatyzacyi tych ci inšych pradpryjemstvaŭ pavinny vyrašacca za stałom pieramoŭ. «Voś umovy, jany zrazumiełyja dla ŭsich, cana pradpryjemstva. Kali vas nie zadavalniaje, dyk vy nie prychodźcie vieści pieramovy. Tamu pryvatyzacyja ŭ Biełarusi budzie, ale heta naša pryvatyzacyja, heta my budziem vyrašać, što nam pryvatyzavać i kali. I, samaje hałoŭnaje, pa jakoj canie i na jakich umovach», — zaŭvažyŭ kiraŭnik biełaruskaj dziaržavy.Pry hetym Łukašenka padkreśliŭ: «My viedajem, što takoje kankurencyja, što takoje rynak, ale my nie chočam paŭtaryć pryvatyzacyju pa rasijskim varyjancie, jak heta było ŭ
90-ch ».
«Tolki try čałavieki buduć viedać pra vas. Samy pieršy čałaviek krainy». Źjavilisia zapisy razmoŭ špijonki Iny Kardaš z kurataram13
«Tolki try čałavieki buduć viedać pra vas. Samy pieršy čałaviek krainy». Źjavilisia zapisy razmoŭ špijonki Iny Kardaš z kurataram
«Łukašenka pavinien panieści adkaznaść za saŭdzieł u rasijskaj ahresii». Ministr zamiežnych spraŭ Ukrainy raskazaŭ pra novuju palityku ŭ dačynieńni da Biełarusi2020
Kamientary