Jeŭrasajuz moža znoŭ pašyryć śpis aficyjnych pradstaŭnikoŭ Biełarusi, u dačynieńni da jakich dziejničajuć sankcyi. Pra heta zajaviŭ dyrektar departamienta pa pytańniach Rasii, Uschodniaha partniorstva, Centralnaj Azii, rehijanalnaha supracoŭnictva i ABSIE Jeŭrapiejskaj słužby źniešniepalityčnaj dziejnaści Hunar Vihand 18 červienia ŭ Brusieli.
«Vyzvaleńnie dvuch palityčnych źniavolenych (
My, vierahodna, možam pašyryć lik asob, u dačynieńni da jakich dziejničaje zabarona na ŭjezd», — cytuje Vihanda brusielskaje vydańnie EUobserver.
Zaraz bolš jak 240 pradstaŭnikoŭ biełaruskaj dziaržavy nie majuć prava ŭjazdžać u ES ci vieści biźnies na ahulnym rynku. Zabarona, u pryvatnaści, tyčycca bujnych biźniesmienaŭ Uładzimira Piefcijeva i Juryja Čyža, jakija, pavodle mierkavańnia ES, finansujuć biełaruski režym.
EUobserver paviedamlaje, što ŭ śpis taksama moža być uklučany kiraŭnik SP TAA «
Adznačajecca taksama, što ES uvioŭ embarha na pastaŭku ŭ Biełaruś uzbrajeńniaŭ, jakija mohuć vykarystoŭvacca dla ŭnutranych represij.
Vihand ličyć sankcyi efiektyŭnymi. «Toj fakt, što my praciahvajem akazvać nacisk na ŭrad, moh spryjać vyzvaleńniu niekatorych z 23 palitźniavolenych», — skazaŭ jon.
EUobserver miž inšym adznačaje: niahledziačy na kryzis u palityčnych adnosinach Minska i Brusiela, handal pamiž Biełaruśsiu i krainami ES u 2011 hodzie vyras na 69%.
Varta zaŭvažyć, što Vihand pryjazdžaŭ u Biełaruś 8–10 lutaha. Jon sustrakaŭsia ź ministram zamiežnych spraŭ Siarhiejem Martynavym, pravaabaroncami, svajakami palitźniavolenych i pradstaŭnikami jeŭrapiejskaha dypkorpusa.
- U kancy lutaha pamiž Minskam i Brusielem zdaryŭsia dypłamatyčny skandał, padstavaj dla jakoha stała rašeńnie Savieta ministraŭ ES ab pašyreńni vizavych i ekanamičnych sankcyj u dačynieńni da Biełarusi. U adkaz na heta biełaruskija ŭłady rekamiendavali kiraŭniku pradstaŭnictva ES i pasłu Polščy pakinuć Minsk. U znak salidarnaści z kalehami Biełaruś tady pakinuli ŭsie jeŭrapiejskija pasły.
- 14 i 15 krasavika na padstavie ŭkazaŭ kiraŭnika dziaržavy ab pamiłavańni na volu vyjšli Andrej Sańnikaŭ i Źmicier Bandarenka.
- U kancy krasavika jeŭrapiejskija pasły viarnulisia ŭ Minsk. 11–13 červienia Minsk naviedali pradstaŭniki słužby źniešniepalityčnaj dziejnaści ES Džon Kjajer i Stefan Tresinh. Jany praviali pieramovy z pradstaŭnikom MZS, aktyvistami hramadzianskaj supolnaści i apazicyi. Vizit adbyŭsia ź inicyjatyvy jeŭrapiejskaha boku. Pavodle jaho vynikaŭ jeŭrapiejskija čynoŭniki pavinny padrychtavać dakład ab situacyi ŭ Biełarusi, jaki budzie pakładzieny ŭ asnovu rašeńniaŭ Savieta ministraŭ krain ES u dačynieńni da krainy.
- Nahadajem, vyzvaleńnie i reabilitacyja palitźniavolenych zastajecca asnoŭnym patrabavańniem ES, vykanańnie jakoha nieabchodna dla admieny sankcyj u dačynieńni da aficyjnaha Minska.
