24 sakavika adbyŭsia pakaz filmu Juryja Chaščavackaha «Płošča», a taksama kancert salidarnaści ź Biełaruśsiu słavackaj śpiavački Pietry Džordan.
U Bruseli praciahvajucca akcyi, prymierkavanyja da Dnia Voli. 24 sakavika adbyŭsia pakaz filmu Juryja Chaščavackaha «Płošča», a taksama kancert salidarnaści ź Biełaruśsiu słavackaj śpiavački Pietry Džordan. Imprezy mieli vialiki pośpiech: ahułam film i kancert naviedali kala 70‑80 čałaviek.
Kadry filmu Juryja Chaščavackaha vyklikali ŭ hledačoŭ žyvuju reakcyju — ad śmiechu da abureńnia. Pakaz stužki zaviaršyŭsia dyskusijaj pra los Biełarusi i jaje žycharoŭ. Kancert Petry Džordan atrymaŭsia sapraŭdy jeŭrapiejskim: śpiavajučy pa‑anhielsku, śpiavačka sa Słavakii zaklikała prysutnych da salidarnaści ź biełaruskim narodam.
«U nas ničoha nie było b biez Aksamitnaj revalucyi, — źviarnułasia Petra Džordan da słuchačoŭ pad čas kancertu. — Kali b my nie prajšli praz heta, ja naŭrad ci mieła b mahčymaść być siońnia na hetaj scenie. Tamu ja kažu ŭsim, chto mianie zaraz čuje, i prašu vas pieradać heta inšym ludziam: vy siońnia pryjšli na cudoŭny kancert, ale nie zabyvajciesia, što dyktatury jašče isnujuć — i mienavita apošniaja jeŭrapiejskaja dyktatura ŭ Biełarusi. My pavinny dapamahčy ludziam pavieryć, što nadyšoŭ čas źmienaŭ. I jany chutka pryjduć!»
Pakaz filmu i kancert byli arhanizavanyja Ofisam za demakratyčnuju Biełaruś i prajšli pad patranažam Delehacyi pa adnosinach ź Biełaruśsiu ŭ Jeŭrapiejskim Parłamiencie. Padtrymku imprezaŭ ździajśniała taksama Niamieckaja fundacyja Maršała (ZŠA) i słavackaja delehacyja hrupy Jeŭrapiejskaj narodnaj partyi‑Jeŭrapiejskich demakrataŭ ŭ Jeŭraparłamiencie.
Varta adznačyć, što hadavinu sakavickich padziejaŭ Ofis vyrašyŭ adznačyć najpierš kulturnickimi akcyjami, abjadnanymi ŭ adzin prajekt pad ahulnaj nazvaj «Minsk, płošča Kalinoŭskaha, Sakavik 2006». Hetak, 14 sakavika ŭ Bruseli była adčynienaja fotavystava, pryśviečanaja sakavickim pratestam, a taksama adbyŭsia vystup Volnaha Teatru, jaki prezentavaŭ spektakli «Być Haraldam Pinteram» i «Pakaleńnie Džyns». Znajomić zamiežža ź Biełaruśsiu praz kulturu — novy napramak dziejnaści Ofisa, jaki budzie aktyŭna raźvivacca ŭ bližejšy čas.
Ciapier čytajuć
«Čamu ja pavinien dakazvać, što nie darmajed?» Pradprymalnika z Homiela pamyłkova zapisali ŭ niezaniatyja — jon daviedaŭsia tolki paśla vializnych rachunkaŭ za kamunałku16
Kamientary