Siensacyjna adkryty padziemny chod la Safijskaha sabora daŭno viadomy?
Archieołahi kažuć, što jašče z
Infarmacyja pra toje, što la połackaj Safii znojdzieny nieviadomy dahetul padziemny chod, stała siensacyjaj u internecie. Adnak amal adrazu źjaviłasia i niekalki abviaržeńniaŭ, pavodle jakich znojdzieny chod užo daŭno viadomy, a fotazdymki, zroblenyja krajaznaŭcami bratami Buchavieckimi ŭ sutareńniach byłoha biernardynskaha manastyra, dzie ciapier mieścicca psichijatryčny špital.
Na staronkach «Sovietskoj Biełoruśsii» pra znachodku vykazaŭsia archieołah Siarhiej Tarasaŭ, jaki paviedamiŭ, što pra isnavańnie hetaha choda, a dakładniej, drenažnaj sistemy, viadoma ad 70-ch hadoŭ, i jon sam adnojčy trapiŭ tudy, pra što i raskazaŭ Buchavieckim. Praŭda, za 40 hadoŭ pra chod paśpieli zabycca. I braty Buchavieckija niezdarma trymajuć u tajamnicy miescaznachodžańnie ŭvachoda ŭ sutareńni: moža stać nahodaj dla pačatku administratyŭnaj spravy.
«Adnak my adrazu paviedamili pra znachodku ŭ Akademiju navuk. — kaža Andrej Buchaviecki. — I ŭ KDB, i ŭ muziej — jak i treba pa zakonie. Spadar Tarasaŭ maje racyju — pra hety chod daŭno viadoma, i nijakaj siensacyi ŭ hetaj znachodcy niama, prynamsi takoj, jakoj jaje vystaŭlajuć ŚMI. Z druhoha boku, niechta źvierchu dakładna nie choča, kab my zajmalisia krajaznaŭstvam, mnie tak i kazali: «Vy robicie nadta šmat znachodak, a ŭ vas navat niama histaryčnaj adukacyi. Vas treba spyniać». Adnak na nastupnym tydni ja čakaju delehacyju Akademii navuk — pahladzim, što skažuć jany».
Što tyčycca «sprečnaha» fota, to na im, pavodle Andreja Buchavieckaha, možna ŭbačyć tupik klaštara bazyljanaŭ, da jakoha viadzie chod.
U Krajaznaŭčym muziei karespandenta «NN» zapeŭnili, što nichto da ich nie źviartaŭsia sa znachodkaj padziemnaha choda i naŭrad ci by braty Buchavieckija stali publikavać fotazdymki adtul, bo tady jany całkam padpadajuć pad administratyŭny artykuł. Supracoŭniki muzieja sam padziemny chod pakul nie bačyli, adnak paraŭnoŭvajuć hetuju znachodku z historyjaj padrobki Rasonskaha idała.
Zahinuŭ biełaruski dobraachvotnik Vasil «Dzir» Rapicki10
Kamientary