Kala Safijskaha sabora znajšli novy padziemny chod — foty
Vyšynioj pad dva mietry, z čyrvonaj cehły.
U Połacku miascovym krajaznaŭcam — Andreju i Alaksieju Buchavieckim — atrymałasia znajści novy, pakul jašče nie daśledavany ŭčastak połackich padziamiellaŭ.
Paŭrazburanaje sklapieńnie braty ŭbačyli pry abychodzie bieraha raki Pałaty niepadaloku ad Safijskaha sabora.
«Dźviery» u padziamielle źjaviłasia dziakujučy apoŭźniu.
Pa słovach krajaznaŭcaŭ, unikalnaść znachodki ŭ tym, što na terytoryi Vierchniaha zamka padziemny chod vyjaŭleny ŭpieršyniu. Da hetaha hieahrafija połackich padziamiellaŭ abmiažoŭvałasia rajonam kadeckaha korpusa i Mikałajeŭskaha sabora.
«My krychu rasčyścili ŭvachod i spuścilisia ŭniz, — raspavioŭ Andrej Buchaviecki. —
Chod apynuŭsia vialiki, u rost čałavieka. Vyšynia chodu — 1,8 m, šyrynia — 1,3 m.Ścieny i sklapieńnie vykładzienyja ź vialikaj čyrvonaj cehły, jak miarkujecca, 18 stahodździa. Nad hałavoj i na ścienach plamy čornaj sažy, napeŭna, ad pachodniaŭ. U ścieny ŭbityja drobnyja mietaličnyja mylicy.
Udałosia prajści kala 80 mietraŭ, potym stała dušna. Uvieś projdzieny ŭčastak suchi, vady i zavałaŭ nie vyjaŭlena. Chod idzie ŭ bok Safijskaha sabora, dzie kaliści stajaŭ Klaštar bazyljanaŭ».
Połackija krajaznaŭcy zachoŭvajuć u tajamnicy dakładnaje miesca raźmiaščeńnia ŭvachodu i płanujuć u bližejšy čas pravieści bolš detalovaje daśledavańnie padziamiellaŭ z užyvańniem śpiecsrodkaŭ.
Stała viadoma, chto moža ŭvajści ŭ novy abmien źniavolenymi pamiž ZŠA i Rasijaj5
Kamientary