Ludzi ŭ cyvilnym palujuć na žurnalista «Jeŭraradyjo» Ruhajna
Zatrymlivać Ruhajna pad vokam žurnalisckich fota- i videakameraŭ nie rašylisia.
Vitala Ruhajna, žurnalista «Jeŭraradyjo» ludzi ŭ cyvilnym bolš za šeść hadzinaŭ pilnavali kala ofisa Eŭraradyjo, a paśla jašče hadzinu adsočvali pa horadzie.
Žurnalisty «Jeŭraradyjo» zaŭvažyli niekalki aŭtamabilaŭ, u jakich znachodzilisia ludzi ŭ cyvilnym, jašče ŭ abied. Paśla stała viadoma, što jany cikavilisia mienavita Vitalom Ruhajnam. Uvieś hety čas Vital znachodziŭsia ŭ ofisie razam z kalehami.
Pad viečar u ofisie sabralisia žurnalisty ź inšych ŚMI i było vyrašana vyjści z ofisu ŭsim razam. Kala hadziny paŭtara dziasiatka žurnalistaŭ u supravadžeńni supracoŭnikaŭ u cyvilnym chadzili pa centry horadu. Ź pieramovaŭ supracoŭnikaŭ pa racyi było zrazumieła, što zatrymlivać Ruhajna pad vokam žurnalisckich fota i videakameraŭ jany nia buduć. Śledam pa vulicach jeździli i mikraaŭtobusy, jakija da taho stajali ŭ dvary «Jeŭraradyjo».
Praz hadzinu Vitalu Ruhajnu ŭdałosia schavacca. Ciapier jahonaje miesca znachodžańnie nieviadomaje.
Vital Ruhajn — adzin z aŭtaraŭ repartažu «Eŭraradyjo» ź mienskaha metro. Razam sa svaim kaleham Alesiem Pileckim jany prajšli pa padziemcy ź ciažkaj torbaj, i na ich nichto nie źviarnuŭ uvahi. Žurnalisty ličać, što pieraśled — heta pomsta z boku milicyi za ich pracu.
Siońnia rankam byŭ zatrymany i asudžany da 15 sutak aryštu Pavał Śviardłoŭ. Kalehi ličać, što jaho mahli prosta pierabłytać ź Vitalom Ruhajnam.
Hałoŭny redaktar «Eŭraradyjo» Vital Zybluk kamentuje sytuacyju, jakaja skłałasia vakoł žurnalista:
«Budziem čakać. Dva miesiacy chavać jaho nie ŭdasca. Ale moža hety nacisk spadzie. A moža naadvarot bolej aźviarejuć
Kamientary