Jość try sposaby.
U čakańni vynikaŭ CT abituryjenty hublajuć propuski i cikaviacca, ci nie zdarycca čaho-niebudź strašnaha, kali jany straciać i siertyfikat
Centralizavanaje testavańnie - 2012 ustupiła ŭ finalnuju stadyju. Samyja masavyja vyprabavańni skončylisia, u subotu fizika (44,1 tysiačy ŭdzielnikaŭ), u niadzielu historyja Biełarusi (21,6 tysiačy), u pačatku nastupnaha tydnia — zamiežnyja movy i hieahrafija.
Bolš za pałovu abituryjentaŭ užo čakajuć svaich vynikaŭ, pieršyja ź jakich - pa rasiejskaj i biełaruskaj movach - Respublikanski instytut kanstrola viedaŭ (RIKV) abiacaje abviaścić 27 červienia.
Atrymać siertyfikat možna budzie ŭ abmien na propusk z adznakaj ab prachodžańni testavańnia. Jak śviedčyć elektronnaja pošta RIKV, niekatoryja abituryjenty ŭžo paśpieli zhubić hety patrebny dakumient. Jany šluć na internet-resurs RIKV pytańni ab nastupstvach straty siertyfikataŭ.
- U adpaviednaści z pałažeńniem ab paradku arhanizacyi i praviadzieńnia centralizavanaha teściravańnia ŭ vypadku straty propusku abituryjent padaje zajavu ab vydačy siertyfikata biez pradjaŭleńnia propusku, - tłumačyć dyrektar RIKV Mikałaj Fiaśkoŭ. -
Pry stracie siertyfikata abituryjentam pryjdziecca paviedamić ab hetym praz abjavu ŭ haziecie, a taksama napisać adpaviednuju zajavu i padać ksierakopiju pašparta ŭ RIKV.
Atrymać siertyfikaty možna budzie da 31 śniežnia 2012 hoda.
Elektronnyja kopii błankaŭ adkazaŭ zachoŭvajucca tak doŭha, što ź imi, pry žadańni, zmohuć aznajomicca ŭnuki ciapierašnich abituryjentaŭ - 75 hadoŭ.
Daviedacca vyniki možna budzie tryma sposabami:- uvioŭšy pašpartnyja dadzienyja i numar błanka adkazu ŭ formu na sajcie RIKV;
- aznajomiŭšysia sa śpisami ŭ punkcie praviadzieńnia vyprabavańniaŭ (hetyja ž źviestki buduć raźmieščany na sajcie navučalnaj ustanovy);
- dasłaŭšy SMS-zapyt na numar 5050 (pasłuhu akazvajuć usie biełaruskija apieratary - VELCOM, MTC, DIALLOG, LIFE :).
Pasłuha płatnaja, ceny ŭ roznych apierataraŭ adroźnivajucca.U SMS-zapycie treba praz prabieł paznačyć numar etapu testavańnia (centralizavanaje testavańnie - numar 4), sieryju svajho dakumienta i numar dakumienta. SMS-zapyt na atrymańnie vynikaŭ testavańnia na pašpart hramadzianina Respubliki Biełaruś sieryi MR № 0123456 budzie vyhladać tak: 4 MR 0123456.
Ciapier čytajuć
26‑hadovaha supracoŭnika elitnaha padraździaleńnia mytni asudzili na 16 hadoŭ pa nabory palitartykułaŭ. Siarod ich i «zdrada dziaržavie»6
Kamientary