Ёсць тры спосабы.
У чаканні вынікаў ЦТ абітурыенты губляюць пропускі і цікавяцца, ці не здарыцца чаго-небудзь страшнага, калі яны страцяць і сертыфікат
Цэнтралізаванае тэставанне - 2012 уступіла ў фінальную стадыю. Самыя масавыя выпрабаванні скончыліся, у суботу фізіка (44,1 тысячы ўдзельнікаў), у нядзелю гісторыя Беларусі (21,6 тысячы), у пачатку наступнага тыдня — замежныя мовы і геаграфія.
Больш за палову абітурыентаў ужо чакаюць сваіх вынікаў, першыя з якіх - па расейскай і беларускай мовах - Рэспубліканскі інстытут канстроля ведаў (РІКВ) абяцае абвясціць 27 чэрвеня.
Атрымаць сертыфікат можна будзе ў абмен на пропуск з адзнакай аб праходжанні тэставання. Як сведчыць электронная пошта РІКВ, некаторыя абітурыенты ўжо паспелі згубіць гэты патрэбны дакумент. Яны шлюць на інтэрнэт-рэсурс РІКВ пытанні аб наступствах страты сертыфікатаў.
- У адпаведнасці з палажэннем аб парадку арганізацыі і правядзення цэнтралізаванага тэсціравання ў выпадку страты пропуску абітурыент падае заяву аб выдачы сертыфіката без прад'яўлення пропуску, - тлумачыць дырэктар РІКВ Мікалай Фяськоў. -
Пры страце сертыфіката абітурыентам прыйдзецца паведаміць аб гэтым праз аб'яву ў газеце, а таксама напісаць адпаведную заяву і падаць ксеракопію пашпарта ў РІКВ.
Атрымаць сертыфікаты можна будзе да 31 снежня 2012 года.
Электронныя копіі бланкаў адказаў захоўваюцца так доўга, што з імі, пры жаданні, змогуць азнаёміцца ўнукі цяперашніх абітурыентаў - 75 гадоў.
Даведацца вынікі можна будзе трыма спосабамі:- увёўшы пашпартныя дадзеныя і нумар бланка адказу ў форму на сайце РІКВ;
- азнаёміўшыся са спісамі ў пункце правядзення выпрабаванняў (гэтыя ж звесткі будуць размешчаны на сайце навучальнай установы);
- даслаўшы SMS-запыт на нумар 5050 (паслугу аказваюць усе беларускія аператары - VELCOM, MTC, DIALLOG, LIFE :).
Паслуга платная, цэны ў розных аператараў адрозніваюцца.У SMS-запыце трэба праз прабел пазначыць нумар этапу тэставання (цэнтралізаванае тэставанне - нумар 4), серыю свайго дакумента і нумар дакумента. SMS-запыт на атрыманне вынікаў тэставання на пашпарт грамадзяніна Рэспублікі Беларусь серыі МР № 0123456 будзе выглядаць так: 4 МР 0123456.
Цяпер чытаюць
У Слуцку жанчыну аштрафавалі за пакінутыя каля сметніцы добрае адзенне і лінолеум. Людзі не вытрымалі, даведаўшыся пра гэта15
У Слуцку жанчыну аштрафавалі за пакінутыя каля сметніцы добрае адзенне і лінолеум. Людзі не вытрымалі, даведаўшыся пра гэта
У Чэхіі палякі збілі паляка, прыняўшы яго за ўкраінца з-за шапкі ў колерах Верхняй Сілезіі. Хлопец ехаў у велапрабег дзеля хворай на рак цяжарнай партнёркі2323
У Чэхіі палякі збілі паляка, прыняўшы яго за ўкраінца з-за шапкі ў колерах Верхняй Сілезіі. Хлопец ехаў у велапрабег дзеля хворай на рак цяжарнай партнёркі23
«Час, які патрабуе надзвычайнай асцярожнасці». Польскі вундэркінд, які стаў галоўным навукоўцам OpenAI, патлумачыў, чаму менавіта зараз ШІ можа вырвацца з-пад кантролю88
Каментары