Na 3 lipienia projdzie maštabny parad 2

U vajennym paradzie ŭ Dzień Niezaležnaści 3 lipienia ŭ Minsku voźmuć udzieł zvyš 5,5 tysiačy čałaviek, 220 adzinak techniki i 35 pavietranych sudnaŭ.

Pra heta na pres-kanfierencyi 25 červienia paviedamiŭ vajenny kamiendant vajennaj kamiendatury Uzbrojenych sił Biełarusi Anatol Hrycaŭ.

Pavodle jaho słoŭ, u piešych paradnych raźlikach pierad trybunami projduć 3.700 čałaviek. Siarod ich buduć vychavancy Minskaha suvoraŭskaha vajennaha vučylišča, kursanty Vajennaj akademii ŭ frantavoj formie. U paradzie taksama buduć udzielničać pradstaŭniki Uzbrojenych sił Rasii — padraździaleńnie 76-jpavietrana-desantnaj dyvizii (Pskoŭ). Projduć paradnyja raźliki aficeraŭ Vajennaj akademii, kursantaŭ vajennaha fakulteta Biełaruskaha nacyjanalnaha techničnaha ŭniviersiteta, 120-j hvardziejskaj asobnaj miechanizavanaj bryhady, kursantaŭ Vajennaj akademii, 86-j bryhady suviazi, orhanaŭ pahraničnaj słužby, MUS, MNS, 38-j i 103-j hvardziejskich asobnych mabilnych bryhad.

Z płac-kancertam vystupić zvodnaja rota hanarovaj varty ŭ składzie 128 čałaviek.

«Raspracavana vielmi technična składanaja prahrama dla vystupleńnia roty, vielmi składanyja pryjomy sa zbrojaj. Tamu ja spadziajusia, što vidovišča budzie dastatkova malaŭničym i novym dla hledačoŭ», — adznačyŭ Hrycaŭ.

Siarod navinak techniki, pavodle jaho słoŭ, buduć pakazany lohkija branavanyja aŭtamabili kitajskaj vytvorčaści, zakuplenyja dla sił śpiecyjalnych apieracyj, a taksama ŭpieršyniu budzie prademanstravany publicy zienitny rakietny kompleks «TOR M2».

U pavietry hledačy ŭbačać viertaloty Mi-8, Mi-2, Mi-24, samaloty Su-25, MiH-29, Su-27, Ł-39 i transpartny vajenny samalot Ił-76.

Maryna Nosava, BiełaPAN

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH