Łukašenka ahituje za Čavesa pierad vybarami ź niajasnym vynikam
U vyniku sychodu Čavesa skončacca i biełaruskija prajekty ŭ Vieniesuele.
Alaksandr Łukašenka siońnia praviadzie pieramovy z prezidentam Balivaryjanskaj Respubliki Vieniesueła Uha Čavesam, paviedamlaje BiełTA.
Čakajecca, što ŭ centry ŭvahi buduć znachodzicca pytańni raźvićcia
Učora i pazaŭčora Łukašenka haściŭ na Kubie. Taksama jon maje naviedać Ekvador.
Napiaredadni vizitu ŭ intervju telekanału «Vieniesałana de Tieleviśjon», Łukašenka raschvalvaŭ kiraŭnika Vieniesueły.
«Čaves vielmi pryjazny. Ale samaje hałoŭnaje — hety mužny čałaviek, jaki hatovy padstavić tabie plačo ŭ samuju ciažkuju chvilinu. Pahadziciesia, nie kožny tak moža. I heta vielmi cenna», — miarkuje Łukašenka.
«Vieniesueła padstaviła plačo ŭ samy ciažki pieryjad niezaležnaści našaj dziaržavy, — skazaŭ jon. — My heta budziem pamiatać zaŭsiody».
«Heta čałaviek vialikaj dušy, vialikaha serca i vielizarnych zadum. Jon ščyra vieryć u tyja rečy, jakija jon, moža, časam tolki sam ŭśviedamlaje i razumieje».
«Toje, što robić Čaves, heta palityka budučyni. Jon małajčyna.Jon pakazaŭ jak minimum ŭsiamu amierykanskamu narodu, jaki žyvie na dvuch kantynientach, što možna žyć, i dumać, i havaryć
Hetaja chvalba — jaŭnaja padtrymka Čavesa pierad prezidenckimi vybarami, na jakich jamu supraćstaić adziny kandydat ad šyrokaj apazicyjnaj kaalicyi.Sam Čaves ciažka chvory. Vynik ža vybaraŭ budzie zaležać ad cenaŭ na naftu na suśvietnym rynku. Rejtynh papulista Čavesa trymajecca za košt ahromnych vytrat naftadachodaŭ. Pakul ceny trymajucca na zavobłačnych uzroŭniach — trymajecca i Čaves. A u vyniku takoj pryviazki biełaruskich prajektaŭ da asoby adnaho palityka, jany mohuć rezka skončycca.
Kamientary