Лукашэнка агітуе за Чавэса перад выбарамі з няясным вынікам
У выніку сыходу Чавэса скончацца і беларускія праекты ў Венесуэле.
Аляксандр Лукашэнка сёння правядзе перамовы з прэзідэнтам Баліварыянскай Рэспублікі Венесуэла Уга Чавэсам, паведамляе БелТА.
Чакаецца, што ў цэнтры ўвагі будуць знаходзіцца пытанні развіцця
Учора і пазаўчора Лукашэнка гасціў на Кубе. Таксама ён мае наведаць Эквадор.
Напярэдадні візіту ў інтэрв’ю тэлеканалу «Венесалана дэ Телевісьён», Лукашэнка расхвальваў кіраўніка Венесуэлы.
«Чавэс вельмі прыязны. Але самае галоўнае — гэты мужны чалавек, які гатовы падставіць табе плячо ў самую цяжкую хвіліну. Пагадзіцеся, не кожны так можа. І гэта вельмі цэнна», — мяркуе Лукашэнка.
«Венесуэла падставіла плячо ў самы цяжкі перыяд незалежнасці нашай дзяржавы, — сказаў ён. — Мы гэта будзем памятаць заўсёды».
«Гэта чалавек вялікай душы, вялікага сэрца і велізарных задум. Ён шчыра верыць у тыя рэчы, якія ён, можа, часам толькі сам ўсведамляе і разумее».
«Тое, што робіць Чавэс, гэта палітыка будучыні. Ён малайчына.Ён паказаў як мінімум ўсяму амерыканскаму народу, які жыве на двух кантынентах, што можна жыць, і думаць, і гаварыць
Гэтая хвальба — яўная падтрымка Чавэса перад прэзідэнцкімі выбарамі, на якіх яму супрацьстаіць адзіны кандыдат ад шырокай апазіцыйнай кааліцыі.Сам Чавэс цяжка хворы. Вынік жа выбараў будзе залежаць ад цэнаў на нафту на сусветным рынку. Рэйтынг папуліста Чавэса трымаецца за кошт агромных вытрат нафтадаходаў. Пакуль цэны трымаюцца на завоблачных узроўнях — трымаецца і Чавэс. А у выніку такой прывязкі беларускіх праектаў да асобы аднаго палітыка, яны могуць рэзка скончыцца.
Каментары