Homielski ŭniviersitet pakazaŭ fota ź mierkavanaha sakretnaha vajskovaha haradka
Administracyja Biełaruskaha dziaržaŭnaha ŭniviersiteta transpartu apublikavała na svaich resursach fota, na jakim «Fłahštok» paznaŭ sakretny abjekt, jaki ciapier budujuć u Homielskim rajonie.
Ideołahi chacieli pakazać, jak vykarystoŭvajecca nieapłatnaja praca studentak-«aktyvistak» BiełDUTa. Jany raśpisvali interjery dla AAT «Homielski domabudaŭničy kambinat». Pryčym budoŭlu nazvali prosta «abjektam».
Jak raniej vyśvietliŭ «Fłahštok», u dakumientach dziaržaŭnych zakupak «abjektam» čaściej za ŭsio nazyvajuć budaŭnictva vajskovaha haradka ŭ Homielskim rajonie kala vioski Prybar, zakazčykam pa im niaredka vystupaje toj ža domabudaŭničy kambinat.
Na fatahrafijach pakazanyja vyniki pracy studentak — rośpis ścien. Na adnym sa zdymkaŭ jość šyrokaje akno z charakternym krajavidam: žalezabietonnyja karkasy na fonie sasnovaha lesu.
U Homielskaj vobłaści nie tak šmat budoŭlaŭ, jakija pavodle vonkavaha vyhladu nahadvajuć budaŭnictva vajskovaha haradka Sił śpiecyjalnych apieracyj Biełarusi.
Najbolš imavierna, zdymak byŭ zrobleny ŭ budynku sacyjalna-kulturna-bytavoha pryznačeńnia vajskovaha haradka — na spadarožnikavym zdymku jon pad žoŭtym dacham.
Fota śviedčyć pra vysokuju stupień hatoŭnaści klučavych budynkaŭ vajskovaha haradka, a taksama pra toje, što maštabnaje budaŭnictva praciahvajecca.
Žycharka Daniecka zajechała praź Biełaruś va Ukrainu, kab pamianiać pašpart i pajechać žyć u Jeŭropu. Akazałasia, pierad tym jana vajavała za Rasiju1010
Žycharka Daniecka zajechała praź Biełaruś va Ukrainu, kab pamianiać pašpart i pajechać žyć u Jeŭropu. Akazałasia, pierad tym jana vajavała za Rasiju10
«Z rasijan-naviednikaŭ pracentaŭ 70 akazvalisia vatnikami». Eks-hid z muzieja VAV, jakoha zatrymlivali jaho ž ekskursanty, ciapier papularny ŭ Varšavie — pahutaryli ź im1414
Kamientary
[Zredahavana]