U jaho ŭvojduć jak pradstaŭniki ciapierašnich uładaŭ, tak i apazicyja. Płan nie kankretyzuje piersanalij, adnak dypłamaty havorać, što, pavodle płana, va ŭrad nie ŭvojduć fihury, nieprymalnyja dla adnaho z bakoŭ. Siarod takich i ciapierašni prezident Bašar Asad. Ahienctva Reuters śćviardžaje, što Rasieja i inšyja suśvietnyja dziaržavy padtrymlivajuć novy płan byłoha hienieralnaha sakratara AAN pa ŭrehulavańni kanfliktu, jaki doŭžycca ŭžo bolš za hod.
Čakajecca, što prapanova Anana stanie adnoj z asnoŭnych temaŭ dla abmierkavańnia na mižnarodnaj sustrečy pa Siryi, zapłanavanaj na 30 červienia ŭ Ženievie.
«Jon moža ŭklučać u siabie členaŭ urada, apazicyi i inšych ludziej, adnak nieabchodna vyklučyć tych, čyja prysutnaść ŭskładnić pieradaču abo pryčynić škodu prymireńniu i stabilnaści», — pryvodzić RIA «Naviny słovy nienazvanaha dypłamata, jaki kankretyzavaŭ płan Anana.
Pa słovach hetaj krynicy, ideja vyklučeńnia šerahu asob z novaha ŭrada maje dačynieńnie ŭ pieršuju čarhu da ciapierašniaha prezidenta Siryi Bašara Asada, nastupnika ŭ dyktatarskaja dynastyi.
«Rasiejcy dali Ananu sihnał, što jany prymuć płan», — paviedamlaje Reuters.
Kofi Anan — śpiecpasłańnik AAN i Lihi arabskich dziaržaŭ (ŁAH) pa Siryi. Da apošniaha času Damask abapiraŭsia na padtrymku Maskvy, jakaja maje ŭ Siryi adzinuju ŭ Mižziemnamorji bazu vajskovaha fłota, i Kitaja.