Кофі Анан прапанаваў стварыць у Сірыі ўрад нацыянальнага адзінства.
У яго ўвойдуць як прадстаўнікі цяперашніх уладаў, так і апазіцыя. План не канкрэтызуе персаналій, аднак дыпламаты гавораць, што, паводле плана, ва ўрад не ўвойдуць фігуры, непрымальныя для аднаго з бакоў. Сярод такіх і цяперашні прэзідэнт Башар Асад. Агенцтва Reuters сцвярджае, што Расея і іншыя сусветныя дзяржавы падтрымліваюць новы план былога генеральнага сакратара ААН па ўрэгуляванні канфлікту, які доўжыцца ўжо больш за год.
Чакаецца, што прапанова Анана стане адной з асноўных тэмаў для абмеркавання на міжнароднай сустрэчы па Сірыі, запланаванай на 30 чэрвеня ў Жэневе.
«Ён можа ўключаць у сябе членаў урада, апазіцыі і іншых людзей, аднак неабходна выключыць тых, чыя прысутнасць ўскладніць перадачу або прычыніць шкоду прымірэнню і стабільнасці», — прыводзіць РІА «Навіны словы неназванага дыпламата, які канкрэтызаваў план Анана.
Па словах гэтай крыніцы, ідэя выключэння шэрагу асоб з новага ўрада мае дачыненне ў першую чаргу да цяперашняга прэзідэнта Сірыі Башара Асада, наступніка ў дыктатарская дынастыі.
«Расейцы далі Анану сігнал, што яны прымуць план», — паведамляе Reuters.
Кофі Анан — спецпасланнік ААН і Лігі арабскіх дзяржаў (ЛАГ) па Сірыі. Да апошняга часу Дамаск абапіраўся на падтрымку Масквы, якая мае ў Сірыі адзіную ў Міжземнамор’і базу вайсковага флота, і Кітая.
Цяпер чытаюць
«Дэкаланізацыя — гэта прыйсці і заняць сваё месца». Наста Рагатко будзе ўдзельнічаць у фестывалі расійскай кнігі. Суліма яе асудзіў, яна не змаўчала ў адказ5656
«Дэкаланізацыя — гэта прыйсці і заняць сваё месца». Наста Рагатко будзе ўдзельнічаць у фестывалі расійскай кнігі. Суліма яе асудзіў, яна не змаўчала ў адказ56
Ці патрэбная беларуская мова тым, хто размаўляе па-руску? Азаронак задаўся такім пытаннем на СТБ, а выпускнік Акадэміі МУС прапанаваў замяніць урокі факультатывамі4949
Каментары