Evakuacyja z Samali dziesiaci biełaruskich hramadzian, jakija ŭsio jašče zastajucca tam, a taksama astankaŭ členaŭ zahinuŭšaha ekipaža hruzavoha samalota Ił‑76 moža adbycca ŭžo ŭ bližejšyja dni ŭ vypadku, kali ŭ krainie rezka nie pahoršycca abstanoŭka, paviedamiŭ karespandentu BIEŁTA pastajanny pradstaŭnik Biełarusi pry AAN Andrej Dapkiunas.
Praz kantakty ź misijami afrykanskich krain pry AAN da prapracoŭki pytańnia vyvazu na radzimu biełaruskich hramadzian aktyŭna dałučany hramadzianskija i vajennyja ŭłady Samali, Uhandy i Efiopii. Kaardynacyjaj hetaj raboty ŭ stalicy Samali zajmajecca načalnik hienieralnaha štaba ŭzbrojenych sił Samali, adznačyŭ kiraŭnik misii Biełarusi pry AAN.
Pavodle słoŭ Andreja Dapkiunasa, biełaruskaje pradstaŭnictva pry AAN atrymała infarmacyju ad misii Efiopii pry AAN ab tym, što efiopskija ŭłady praz svoj vajenny kantynhient u Samali robiać usio mahčymaje dla harantavańnia biaśpieki biełaruskich hramadzian, jakija zastajucca ŭ h.Mahadyša. Jak zapeŭnivajuć efiopskija dypłamaty, u adnosinach da biełaruskich hramadzian i astankaŭ členaŭ zahinuŭšaha ekipaža prajaŭlajecca nieabchodny kłopat.
Vyrašeńnie pytańnia ab evakuacyi ŭskładniajecca tym, što ŭ vyniku bajavych dziejańniaŭ u Samali [Uschodniaja Afryka] parušany zvyčajnyja kanały suviazi orhanaŭ dziaržaŭnaha kiravańnia. U stalicy krainy časta adsutničaje telefonnaja suviaź.
Andrej Dapkiunas dadaŭ, što ŭ vyniku zvarotu pastajannaha pradstaŭnictva Biełarusi ŭ sakrataryjacie AAN 27 sakavika była sklikana ekstrannaja narada. U joj pryniali ŭdzieł ekśpierty ŭpraŭleńnia pa kaardynacyi humanitarnaj dapamohi i departamienta biaśpieki sakrataryjata AAN. Sumiesna ź biełaruskimi dypłamatami byli praanalizavany roznyja varyjanty naziemnaj transparciroŭki biełaruskich hramadzian u adzin z aeraportaŭ Samali, adkul jany mahli b być dastaŭleny ŭ Biełaruś siłami «Transavijaekspartu» abo partniorskaj kampanii.
Dasiahnuta damoŭlenaść ab tym, što sakrataryjat AAN padtrymaje raniej pieradadzienuju pa dvuchbakovych kanałach prośbu Biełarusi da Afrykanskaha sajuza ab vydzialeńni vajennaha kanvoju sa składu miratvorčaha kantynhientu Afrykanskaha sajuza ŭ Samali dla arhanizacyi biaśpiečnaj dastaŭki biełaruskich hramadzian z h.Mahadyša ŭ adzin z aeraportaŭ daloka ad stalicy krainy.‑
