U Minsku z aznajamlenčym vizitam znachodzicca novy kiraŭnik misii Mižnarodnaha valutnaha fondu, ekanamist jeŭrapiejskaha departamienta MVF David Chofman.
Siońnia ranicaj jon sustreŭsia z prem`ier-ministram Michaiłam Miaśnikovičam, jaki zajaviŭ pra zacikaŭlenaść Biełarusi ŭ novaj prahramie supracoŭnictva z MVF.
Viasnoj hetaha hoda Minsk u suviazi z zakančeńniem terminu svaich paŭnamoctvaŭ pakinuli raniejšy kiraŭnik misii fondu Krys Džarvis i pastajanny pradstaŭnik MVF u Biełarusi Natalla Kaladzina.
Fond zajaviŭ, što pakul nie płanuje nakiroŭvać u Biełaruś novaha pastajannaha pradstaŭnika. Pytańnie pra jaho pryznačeńnie budzie razhledžana ŭ tym vypadku, kali fond i biełaruskija ŭłady buduć blizkija da padpisańnia novaj kredytnaj prahramy, havaryłasia ŭ paviedamleńni MVF.
Treba adznačyć, što pasada pastajannaha pradstaŭnika MVF u Biełarusi ŭžo skasoŭvałasia ŭ 2005 hodzie ŭ suviazi ź nieadpaviednaściu ekanamičnaj palityki ŭrada rekamiendacyjam fondu i paśla taho, jak biełaruskija ŭłady zajavili pra adsutnaść nieabchodnaści ŭ pryciahnieńni kredytnych resursaŭ MVF. Da kanca 2008 hoda supracoŭnictva Biełarusi z MVF było skancentravana na atrymańni techničnaj dapamohi i kansultacyj.
U 2009 hodzie ŭ Minsk u jakaści pastajannaha pradstaŭnika fondu pryjechała Natalla Kaladzina — paśla taho jak baki damovilisia ab prahramie supracoŭnictva stand-by.Pieršapačatkova prahrama praduhledžvała vydzialeńnie Biełarusi kredytu na 2,45 młrd. dołaraŭ, adnak zatym MVF pavialičyŭ finansavańnie da 3,46 młrd. Kredyt Biełaruś atrymlivała piaćciu tranšami na praciahu 2009—2010 hadoŭ.
Viasnoj hetaha hoda Biełaruś nakiravała ŭ MVF zajaŭku na atrymańnie čarhovaha kredytu. Minsk raźličvaŭ atrymać 3,5 młrd. dołaraŭ dla refinansavańnia staroha doŭhu pierad fondam. U adkaz pradstaŭniki MVF zajavili, što ŭmovaj pačatku pieramoŭ pavinna stać hatoŭnaść krainy da "hłybokich strukturnych reform".
Ciapier čytajuć
Statkievič apublikavaŭ foty ich novaha z Marynaj Adamovič doma3
Statkievič apublikavaŭ foty ich novaha z Marynaj Adamovič doma
Biełarus-vachtavik na Jamale stvaraje pieśni na biełaruskaj movie z dapamohaj ŠI. «Raniej muzyka była zakrytym kłubam. Niejrasietki adčynili hetyja dźviery z nahi»1010
Biełarus-vachtavik na Jamale stvaraje pieśni na biełaruskaj movie z dapamohaj ŠI. «Raniej muzyka była zakrytym kłubam. Niejrasietki adčynili hetyja dźviery z nahi»10
«Viedajecie, Łukašenka nie prezident». Jany tak uśmichnulisia, kiŭnuli». Departavany z Hruzii Leŭ Michiejeŭ raskazaŭ, jak ź im abychodzilisia ŭ Armienii33
Kamientary