Miaśnikovič zaniaŭsia škołami

Padrychtoŭka ŭstanoŭ adukacyi ŭ Biełarusi da novaha navučalnaha hoda pavinna być zavieršana da 20 žniŭnia. Adpaviednaje rasparadžeńnie padpisaŭ prem'jer-ministr Biełarusi Michaił Miaśnikovič.

Zhodna z dakumientam, dla svoječasovaj i jakasnaj padrychtoŭki ŭstanoŭ adukacyi da novaha navučalnaha hoda Ministerstvu adukacyi, abłvykankamam i Minskamu harvykankamu daručana da 20 žniŭnia zaviaršyć praviadzieńnie ŭsich rabot pa padrychtoŭcy daškolnych ustanoŭ, ustanoŭ ahulnaj siaredniaj adukacyi i ŭstanoŭ dadatkovaj adukacyi dziaciej i moładzi da novaha navučalnaha hoda z atrymańniem imi ŭstanoŭlenych pašpartoŭ hatoŭnaści.

Da pačatku navučalnaha hoda pavinny być pryviedzieny ŭ paradak u adpaviednaści z pradpisańniami orhanaŭ dziaržsannahladu handlovyja abjekty hramadskaha charčavańnia ŭstanoŭ adukacyi. Ich nieabchodna ŭkamplektavać stałovaj meblaj i posudam, pravieści narychtoŭku i zakładku na zachoŭvańnie płodaaharodninnaj pradukcyi.

Va ŭstanovach adukacyi pavinny być harantavanyja biaśpiečnyja ŭmovy navučańnia i vychavańnia zhodna z patrabavańniami techniki biaśpieki.

Usim orhanam dziaržaŭnaha kiravańnia i padparadkavanym im arhanizacyjam daručana akazać dapamohu padšefnym ustanovam adukacyi ŭ padrychtoŭcy da novaha navučalnaha hoda.

Piersanalnaja adkaznaść za padrychtoŭku ŭstanoŭ adukacyi da novaha navučalnaha hoda ŭskładziena na kiraŭnikoŭ ustanoŭ adukacyi, orhanaŭ kiravańnia adukacyjaj usich uzroŭniaŭ.

Va ŭstanovach ahulnaj siaredniaj adukacyi sumiesna ź Ministerstvam unutranych spraŭ budzie arhanizavany tydzień biaśpieki ruchu, praviedziena aktyŭnaja rastłumačalnaja rabota pa vykanańniu Pravił darožnaha ruchu, prafiłaktycy dziciačaha darožna-transpartnaha traŭmatyzmu.

Ministerstvu handlu i Biełaruskamu respublikanskamu sajuzu spažyvieckich tavarystvaŭ daručana arhanizavać prodaž školnaha adzieńnia i kancylarska-piśmovych pryład, zabiaśpiečyŭšy najaŭnaść šyrokaha asartymientu takich vyrabaŭ u čas praviadzieńnia školnych bazaraŭ i handlovych kirmašoŭ pa ich prodažy i ŭstanaviŭšy na hetyja hrupy tavaraŭ minimalna mahčymyja handlovyja nadbaŭki.

Ministerstva adukacyi, Ministerstva pracy i sacyjalnaj abarony, abłvykankamy, Minski harvykankam pavinny źviarnuć asablivuju ŭvahu na padrychtoŭku da škoły dziaciej-sirot, jakija vychoŭvajucca ŭ internatnych ustanovach (dziciačych damach, dziciačych haradkach (vioskach), akazać dapamohu ŭ nabyćci dla hetaj katehoryi dziaciej adzieńnia, abutku, a taksama ŭdzialić pilnuju ŭvahu nabyćciu školnaha adzieńnia, kancylarska-piśmovych pryład šmatdzietnymi i małazabiaśpiečanymi siemjami, pryniać nieabchodnyja rašeńni pa hetym pytańni.

• 0
• 0
• 0
• 0
• 0
• 0
• 0
• 0