Dziaržaŭnyja telekanały raskazali «ŭsiu praŭdu» pra pasła Eryksana.
Tełkanały Biełaruś-1 i ANT u viečarovych vypuskachz navin raskazali pra vysyłku z krainy pasła Šviecyi Stefana Eryksana.
U «Panaramie» pra Eryksana raskazali paśla navinaŭ z Łondana i paviedamleńniaŭ z žniva. Spačatku prahučała ahučanaja raniej zajava kiraŭnika MZS Siarhieja Martynava.
Aŭtar siužeta Siarhiej Husačenka pry hetym padkreśliŭ, što adjezd pasła — šarahovaja sprva, a tamu zusim niezrazumieła, z čaho taki ažyjataž u internecie vakoł naviny.Potym słova dali kiraŭniku prałukašenkaŭskaha analityčnaha centra «JesooM» Siarhieju Musijenku.
Musijenka taksama padkreśliŭ, što Eryksanu prosta nie praciahnuli akredytacyju. Maŭlaŭ, jon i tak davoli daŭno pracavaŭ u Minsku. Pa słovach Musijenki, za hety čas Biełaruś i Šviecyja mahli starańniami dypłamataŭ zrabić sapraŭdny praryŭ u ekanamičnych adnosinach. Ale Eryksan ničoha padobnaha nie zrabiŭ.
Musijenka navat vykazaŭ zdahadku, što toj fakt, što šviedskaja IKEA dahetul nie vyjšła na naš rynak, taksama vina Eryksana.
A dalej Musijenka pačaŭ vinavacić pasła va ŭsich śmiarotnych hrachach.
«Staraŭsia nanieści našaj krainie maksimalnuju škodu», «namahaŭsia pasvaryć našy krainy», «vioŭ padryŭnuju dziejnaść na terytoryi našaj krainy».
Musijenka śćviardžaje, što pa viadomaj jamu infarmacyi ŭ śniežni 2010 hoda pierad prezidenckimi vybarami Stefan Eryksan «asabista razdavaŭ instrukcyi i vydavaŭ hrošy radykalnym apazicyjnym hrupoŭkam». Što pamiaškańnie pasolstva vykarystoŭvałasia zusim nie ŭ dypłamatyčnych metach. Nibyta na terytoryi pasolstva «pradstaŭnikoŭ radykalnych hrupovak vučyli napadać na milicyju i ŭčyniać pravakacyi ŭ dačynieńni da šarahovych suhramadzianaŭ».
Taksama Musijenka ahučyŭ infarmacyju pra «sproby pravozu z dapamohaj dypłmatyčnaha transpartu materyjalnych kaštoŭnaściaŭ z metaj pieraprodažu na sumu kala 20 tysiač dalaraŭ», jakija nibyta byli kanfiskavanyja ŭ dachod dziaržavy, a taksama «partyi litaratury nieviadomaha źmiestu biez supravadžalnych dakumientaŭ».
Padobny siužet byŭ pakazany i na ANT.
Nahadajem, što dziaržaŭnyja ŚMI pačali kampaniju suprać pasła Šviecyi ŭ aŭtorka, kali na staronkach prezidenckaj haziety «Sovietskaja Biełoruśsija» abvinavacili Eryksana ŭ praźmiernaj aktyŭnaści.
U toj ža čas, palityčny ahladalnik Raman Jakaŭleŭski śćviardžaje, što rašeńnie pra vysyłku Eryksana rychtavałasia daŭno.
-
Piter Cil: Zachad uratujuć nie pryhožyja słovy, a ciažkaja praca. Hałoŭny pryncyp maje być «spracoŭvaje ci nie spracoŭvaje»
-
Kłaskoŭski: Kali kalij pojdzie praz Kłajpiedu, heta źnizić zaležnaść Biełarusi ad Rasii
-
Antyvajennaja častka rasijskaha hramadstva nie zdoleła prademanstravać svajoj pazicyi na vybarach u Dziarždumu
Ciapier čytajuć
Namieśnikam kiraŭnika Administracyi prezidenta staŭ ćvierdałoby Muraviejka, a Hienštab uznačaliŭ hienierał, jaki nie vučyŭsia ŭ Rasii13
Namieśnikam kiraŭnika Administracyi prezidenta staŭ ćvierdałoby Muraviejka, a Hienštab uznačaliŭ hienierał, jaki nie vučyŭsia ŭ Rasii
Biełarus-vachtavik na Jamale stvaraje pieśni na biełaruskaj movie z dapamohaj ŠI. «Raniej muzyka była zakrytym kłubam. Niejrasietki adčynili hetyja dźviery z nahi»1212
Kamientary