Hieroj «Niastrymnych-2» pryznajecca, što jon biełarus
I inšyja pryčyny pahladzieć novy bajavik Stałone. Piša Andrej Kim.
1. Ździajśnieńnie dziciačaj mary
Chto z vas, dzieciuki, nie maryŭ u dziacinstvie pabačyć, urešcie, chto kruciej: Terminatar, ci Rembo, Uilis, ci Van-dam?Sapraŭdy, Silviestr Stałone spraŭdziŭ našyja dvaravyja mary, zrabiŭšy błakbastar, dzie
hieroi bajevikoŭ 90-ch zmahajucca razam, a ŭ pierapynkach pierakidvajucca epičnymi frazami z starych filmaŭ.Adno heta, a jašče i nastalhičnaje pačućcie “viartańnia ŭ dziacinstva” vartaje taho, kab schadzić na film.
2. Pa-sapraŭdnamu dobry ekšn
Režysior zrabiŭ dobryja vysnovy ź pieršaj častki, kali zavialikaja krutaść usich hierojaŭ niehatyŭna ŭpłyvała na ekšn, i źniaŭ vielmi roŭnaje i jakasnaje mačyłava.Nie ŭźnikaje pačućcia pieraboru nidzie.
Filmu vierycca nastolki, nakolki jon sam hetaha žadaje: naturalna, heta nie realistyčnaja drama, a ŭsio ž hierojski bajavik, tamu sotni trupaŭ vorahaŭ i “efiekt šturmavika” nieadjemnaja jaho častka.Ale toje ŭsprymajecca absalutna naturalna i tolki uzmacniaje asałodu ad filma. Bodry, roŭny, efiektny ekšn, heta niesumnieŭny plus.
3. Starykany ŭ spravie
Z časoŭ filma “RED” starykany nie adpalvali tak na šyrokim ekranie.Nahadaju, što nie adzin i nie dva aktory ŭ “Niastrymnych” daŭno pieravalili za 60 hod. Ale heta nie zaminaje im strełami i pinkami prakładvać sabie šlach nie horš za ich maładziejšych kalehaŭ. Sapraŭdy, pahladzieć na toje, jak Arni i Čak paśla šmathadovaha pierapynku badziorańka rasstrelvajuć drennych chłapcoŭ – asablivaje zadavalnieńnie, jakoha bolš nidzie nie pakaštuješ.
4. Čak Norys
Darečy, pra Čaka. Jaho źjaŭleńnie – adzin ź lepšych momantaŭ filma. Prynamsi,
takich avacyj u kinateatry, jakija vyklikaŭ hieroj Norysa, ja ŭžo daŭno nie čuŭ.
Chacia Čak nikoli nie byŭ takoj ža zorkaj kino, jak Stałone, ci Ŭilis, ciapier jaho miedyjnaja viadomaść, badaj što, vyšej za ich usich. Tamu pierad stvaralnikami filma stajała niaprostaja zadača: z adnaho boku -- spraŭdzić čakańni fanataŭ, ź inšaha boku -- nie pieratvaryć heta ŭsio ŭ fars. I treba skazać, režyser bliskuča spraviŭsia.
Čaka Norysa ŭ filmie roŭna stolki, kolki treba i mienavita takoha, jakoha treba.
Schadzić u kino varta ŭžo dziela hetych niekalkich pa-sapraŭdnamu epičnych chvilinaŭ z Čakam, a dadatkovym zadavalnieńniem dla vas budzie chvala pazityŭnych avacyj, jakoj kinazała sustrenie “samotnaha voŭka”.
5. Supierhieroj-biełarus
I na desiert nievialički padarunak niepasredna dla našaj krainy. Pasiarod filma adzin z hierojaŭ pryznajecca, što jon… biełarus!Ja nie zmoh znajści infarmacyi, što Rendzi Kuciur, aktor bajevikoŭ i šmatrazovy čempijon śvietu pa źmiešanych adzinaborstvach, maje prodkaŭ ź Biełarusi, ale jaho hieroj u hetym ščyra pryznajecca i sapraŭdy, jon vielmi padobny na biełaruskaha vajara.
Jak kažuć, drobiaź, ale pryjemna. Niabłaha zirnuć na biełarusa, što valić dziesiatki bandytaŭ u takoj kampanii.
Takim čynam, film atrymaŭsia duža dobrym, humarnym, enerhičnym. Piasok ź jaho nie sypiecca, jak by chto nie bajaŭsia, a adrenalinu chopić na piać navamodnych stužak. Heta sapraŭdny kłasičny ałdskuł, biez modnych libieralnych jenkaŭ i postmadernisckich fłasofij: dabro jość dabro, zło jość zło.
Naturalna, film padychodzić nie ŭsim. Nie raju ja jaho hladzieć ludziam, kali:
1) Vy dziaŭčynka i nia cierpicie hvałt na ekranie;
2) Nie lubicie bajeviki, a addajecie pieravahu filmam nakštałt “Ješ, malisia, lubi”;
3) U vas niama hrošaŭ na kino i vy źbirajeciesia hladzieć ekranku.
Usim astatnim: pierahladajcie dla nastroju trejler, vybirajcie kinateatr z dobrym hukam, biarycie siabroŭ, zapasajciesia čypsami-kołaj i rychtujciesia łavić kajf ad sapraŭdnaha mužčynskaha kino.
-
Dolina śpiavaje «Za hrošy — tak», a Šuryk prapanuje dubajski šakaład: što za treš hladzieli ŭ Novy hod biełarusy z rasijanami
-
Sieryjał «Pluribus» — samy niapravilny postapakalipsis ci niešta bolšaje? Raskazvajem pra śmieły myślenčy ekśpierymient na TB
-
U Biełaruś zavieźli «Čaburašku 2». Pahladzieli hety rasijski chit, kab vam nie pryjšłosia
Kamientary