Praces nad Leanidam Kavalovym usio-taki idzie.
Praź dźvie hadziny paśla apublikavańnia na našym sajcie artykuła «Sudy nad vysokimi čynoŭnikami chočuć pravieści pa-cichamu?» infarmacyjnaje ahiencva BiełTA napisała pra sud nad Leanidam Kavalovym. Z paviedamleńnia vynikaje, što 22 žniŭnia praciahvajecca praces nad eks-namieśnikam staršyni Viciebskaha abłvykankama.
Pa spravie ŭ jakaści abvinavačanaha prachodzić taksama niechta Kaał Hunar.
Siońnia byŭ dapytany śviedka — były kiraŭnik upraŭleńnia kultury Viciebskaha abłvykankama. U jaho cikavilisia «miechanizmami ŭzhadnieńnia Kavalovym kaštarysu na praviadzieńnie masavych mierapryjemstvaŭ», «detalami supracoŭnictva miascovych uładaŭ ź viciebskaj firmaj, jakaja arhanizuje fiejervierki».
Chto taki Kaał Hunar, nieviadoma. BiełTA nie paviedamlaje i pra abvinavačvańnie, jakoje vystaŭlena mužčynam.
Tekst paviedamleńnia napisany ŭ takoj formie, nibyta ahienctva aśviatlała sud raniej. Ale na jaho sajcie naviny ni pra pačatak pracesu, ni pra zatrymańnie eks-namieśnika staršyni abłvykankama nie ŭdałosia adšukać.
Takoje paviedamleńnie całkam asprečvaje ranišni artykuł na našym sajcie. Paŭtorna telefanujem u Minski haradski sud. Prosim razabracca ŭ situacyi. Ciapier užo čakać daviałosia bolš. U vyniku paviedamili, što «sud idzie ŭ dadzieny momant».
A pra nastupnaje pasiadžeńnie infarmacyja ŭ Siektary pa kryminalnych spravach i spravach ab administracyjnych pravaparušeńniach moža być, a moža i nie być. Paraili źviartacca da sakratara.
Ciapier čytajuć
Dziaržaŭnyja sacyjołahi: Biełarusy najpierš źviazvajuć svaju dziaržaŭnaść ź Vialikim Kniastvam Litoŭskim4
Kamientary