Niamieckija sacyjał-demakraty zaklikali «spuścić štany» sa svajho MUS za dapamohu biełaruskim siłavikam
Ministr unutranych spraŭ budzie vyklikany ŭ Bundestah.
«Ašukanstvam» nazvała niamieckaja apazicyjnaja
SDPH zajaviła pra namier jak maha chutčej zaprasić ministra na pasiadžeńnie parłamienckaha kamiteta pa ŭnutranych spravach. Levaja partyja i «zialonyja» padrychtavali śpis pytańniaŭ ŭradu i buduć patrabavać ad Frydrycha najpierš rastłumačeńniaŭ adnosna pastavak ryštunku siłavym strukturam Biełarusi, paviedamlaje vydańnie Der Tagesspiegel. Apazicyja paličyła niedastatkovaj infarmacyju MUS, jakoje 27 žniŭnia zajaviła, što Minsku byli pieradadzieny kampjutary, prahramnaje zabieśpiačeńnie, videakamiery i try aŭtamabili «Falksvahien», a humovyja dubinki — jak minimum, pa linii ministerstva — nie pastaŭlalisia.
— zajaviŭ pradstaŭnik frakcyi SDPH pa ŭnutranych spravach Michael Chartman. Jon vykazaŭsia ŭ padtrymku supracoŭnictva pamiž siłavymi viedamstvami, u tym liku prablemnych krain, «ale jość „čyrvonyja linii“, i ŭ vypadku ź Biełaruśsiu jaje pierasiekli tady, kali stała jasna, što ŭ Łukašenki niama namieru pravodzić reformy».«Rastłumačeńni fiederalnaha ministerstva raspłyvistyja i dvuchsensoŭnyja. Ministerstvu čas spuścić štany»,
Pavodle mierkavańnia deputata ad levych Jana Korte, kiraŭnik MUS pasprabavaŭ apraŭdacca za pastaŭku videa- i kampjutarnaj techniki, ale heta nie było ašukanstvam, bo «kožny viedaje, nakolki važnaja mienavita hetaja technika dla kiravańnia palicejskimi złučeńniami».
Frakcyja «Zialonyja» ŭspryniała taki vid dapamohi z boku Hiermanii «sa ździŭleńniem». «Było b vydatna, kali b hramadzianskaja supolnaść taksama atrymała padtrymku, — zajaviŭ kiraŭnik partyi Džem Ezdemir. — Nie maju ničoha suprać navučańnia palicyi, ale heta pavinna prachodzić u pravavych miežach».
Raniej hazieta Bild paviedamiła, što akramia techniki ŭ Biełaruś było pastaŭlena prykładna 100 kamplektaŭ ryštunku (ščyty, dubinki, šlemy), a biełaruskim siłavikam u miežach vučoby było dazvolena prysutničać pry razhonie sapiernikaŭ transparciroŭki jadziernych adchodaŭ. Akramia taho, pavodle źviestak haziety, supracoŭnictva praciahvałasia ŭ 2011 i 2012 hadach, chacia aficyjnyja asoby zajaŭlali, što jano było spyniena paśla prezidenckich vybaraŭ u Biełarusi i zadušeńnia akcyi pratestu ŭ Minsku.
Kamientary