Pa vynikach žniŭnia zołatavalutnyja reziervy Biełarusi ŭ vyznačeńni MVF skaracilisia na $89 miljonaŭ i, pavodle papiarednich danych, na 1 vieraśnia 2012 hoda skłali $8158,5 miljona ŭ ekvivalencie.
U nacyjanalnym vyznačeńni abjom zołatavalutnych reziervaŭ skaraciŭsia na $1 miljard i na 1 vieraśnia 2012 hoda skłaŭ $8775,8 miljona ŭ ekvivalencie.
«Skaračeńnie zołatavalutnych reziervaŭ u nacyjanalnym vyznačeńni ŭ pieršuju čarhu źviazana z zaviaršeńniem ździełki svop z Narodnym bankam Kitaja.Akramia taho, na ŭzrovień zołatavalutnych reziervaŭ akazała ŭpłyŭ pahašeńnie ŭ poŭnym abjomie źniešnich i ŭnutranych abaviazacielstvaŭ u zamiežnaj valucie Nacyjanalnaha banka i ŭrada Respubliki Biełaruś», — rastłumačyli ŭ Nacyjanalnym banku.
Padtrymańniu ŭzroŭniu zołatavalutnych reziervaŭ sadziejničaŭ rost cen na kaštoŭnyja mietały na mižnarodnych rynkach, dadali va ŭpraŭleńni infarmacyi i hramadskich suviaziej Nacbanka.
0
0
0
0
0
0
