Nasta Pałažanka, namieśnica staršyni zarehistravanaha ŭ Čechii Maładoha Frontu, raspaviała, što na praciahu dnia z roznymi maładafrontaŭcami adbyvajucca «dziŭnyja rečy».
Na telefon Mikałaja Dziemidzienki stali pastupać paviedamleńni z numara inšaha maładafrontaŭca, Źmitra Kramianieckaha, u jakich prapanoŭvałasia sustrecca ŭ metro. Paźniej vyśvietliłasia, što Kramianiecki takich paviedamleńniaŭ nie adsyłaŭ. Jaho zatrymała milicyja, i z 15 hadziny jon znachodzicca ŭ Centralnym RUUS. Mikałaj Dziemidzienka svoj telefon dziela biaśpieki adklučyŭ.
Taksama siońnia nie adkazvaje telefon inšaha maładafrontaŭca Ŭładzimiera Jaromienka. Da maładafrontaŭca Ramana Vasiljeva siońnia niechta sprabavaŭ trapić u kvateru, adnak jon dźviarej nie adamknuŭ.
Preventyŭnyja zatrymańni maładafrontaŭcaŭ napiaredadni važnych hramadzka-palityčnych padziejaŭ stali zvyčajnym metadam pracy biełaruskich pravaachoŭnych orhanaŭ. Na praciahu apošniaha hodu hetych maładych ludziej nia raz zatrymlivali i asudžali na sutki. Kožny ź ich u 2012 hodzie pravioŭ na Akreścina kala 100 sutak.
Kamientary