Ładućka: Padčas ČS-2014 čverć miescaŭ u internatach addaduć turystam
Čverć miescaŭ u studenckich internatach Minska buduć zadziejničany padčas praviadzieńnia ČC pa chakiei 2014. Pra heta staršynia Minharvykankama paviedamiŭ 20 vieraśnia na
Pavodle jaho słoŭ, čakajecca, što maksimalnaja kolkaść pryjezdžych na čempijanat śvietu składzie 20 tys. Pałovu ź ich zmoža raźmiaścić hatelnaja sietka Minska i Minskaha rajona, druhuju pałovu daviadziecca pasialić u studenckich internatach.Na siońnia ŭ internatach žyvuć prykładna 40 tys. studentaŭ sa 110 tys., jakija vučacca ŭ stalicy na dzionnaj formie navučańnia. Takim čynam, hości čempijanatu zojmuć nie bolš jak čverć miescaŭ studentaŭ u internatach, rastłumačyŭ horadanačalnik.
Jak miarkuje Ładućka, studenty nie buduć prajaŭlać niezadavolenaść vysialeńniem ź internataŭ i prypynieńniem vučoby na čas čempijanatu. Ich praca na hramadskich pačatkach moža być zapatrabavana pry padrychtoŭcy i praviadzieńni hetaha mierapryjemstva — prykładna na praciahu paŭtara miesiaca.
Praviadzieńnie čempijanatu śvietu pa chakiei 2014 hoda ŭ Minsku pavinna vyklikać u studentaŭ tolki pačućcio honaru za horad, miarkuje Ładućka. «Heta padzieja, heta śviata, heta hodnaść, i my hetaha honaru dabilisia nialohkaj pracaj», — skazaŭ jon.
Ciapier čytajuć
U Kijevie za špijanaž aryštavali biełaruskuju žurnalistku Inu Kardaš. Kažuć, z 2015 hoda jana pracavała na KDB18
Kamientary