MZS Narviehii: My nie budziem brać u Biełarusi ŭroki vierchavienstva zakona
Narviežskija dypłamaty paraŭnoŭvajuć Michaiła Chvastova sa šviejcarcam, jaki razvažaje pra marskoje ŭźbiarežža, a Biełaruś staviać u adzin šerah ź Iranam.
Zamiežnapalityčnaje viedamstva Narviehii reahuje na krytyku z boku pradstaŭnika Biełarusi pry AAN Michaiła Chvastova. 17 vieraśnia na pasiedžańni Rady pa pravach čałavieka AAN sp. Chvastoŭ nazvaŭ zališnie miakkim prysud Andersu Brejviku, a taksama «prajšoŭsia» pa situacyi z pravami čałavieka ŭ Jeŭropie.
«Prysud Brejviku, a kali być abjektyŭnym, adsutnaść prysudu, faktyčna demanstruje niazdolnaść narviežskaj dziaržavy zabiaśpiečyć pravy čałavieka na žyćcio i efiektyŭnyja srodki pravavoj abarony», — adznačajecca ŭ pramovie Michaiła Chvastova.
«Nas nie ŭrazili zajavy sp. Chvastova pra prysud Brejviku, — adkazvaje pradstaŭnik narviežskaha MZS Frode Avierłend Andersan. — Suprać zajavy sp. Chvastova adkryta vystupiŭ namieśnik ministra zamiežnych spravaŭ Narviehii sp. Torhiejr Łarsan. U jaho kamientary skazana, što Narviehija nie budzie brać u Biełarusi ŭroki vierchavienstva zakona i pravoŭ čałavieka. Zajava sp. Chvastova była vidavočnym taktyčnym chodam, nakiravanym na zrušeńnie fokusu ad złoŭžyvańniaŭ pravami čałavieka ŭ Biełarusi».
Kamientar dasiažny tolki na narviežskaj movie, tamu ŭ Biełarusi pra jaho naŭrad ci viedajuć.
«Biełaruś kamientuje narviežskaje zakanadaŭstva? Heta ŭsio roŭna, što Šviejcaryja pačnie razvažać pra karystańnie narviežskim uźbiarežžam.Siarod svaich susiedziaŭ mienavita da Biełarusi pytańniaŭ pa pravach čałavieka bolš za ŭsio», — cytuje namieśnika ministra zamiežnych spravaŭ Narviehii Torhiejra Łarsana sajt Aftenposten.no.
Naŭrad ci hetyja arhumienty ŭraziać
«Biełaruś — adna ź niekalkich krainaŭ, jakija vykarystoŭvajuć takuju taktyku ŭ Radzie pa pravach čałavieka i inšych mižnarodnych forumach. Iran — jašče adzin prykład. Heta sproba adciahnuć uvahu ad siabie i nakiravać jaje ŭ inšy bok», — cytuje
Kamientary