Błohier sfatahrafavaŭ viedamaści vybarcaŭ: jaŭka 5—15%!
Čkałaŭskaja vybarčaja akruha, učastak № 203, čas 19.40, zastajecca 20 chvilin, i ja — adziny elektarat u hetym pamiaškańni. Raśpisvajusia za biuleteń i prosta fatahrafuju na mabilnik, chto ŭ maim domie ŭžo vybraŭ sabie deputata. Sačycie za rukami.
Voś pieršaja «chatniaja» staronka — dva dziasiatki proźviščaŭ i… adzin (!) podpis ab atrymańni vybarčaha biuletenia.
 |
Majo proźvišča na druhoj staroncy — tam jašče 21 proźvišča, a ja druhi (!), chto zrabiŭ heta siońnia. Za 20 chvilin da zakančeńnia hałasavańnia, aha. Jašče troje susiedziaŭ — daterminova ŭ subotu.
 |
Razam nas šaściora z 42 žycharoŭ. I 20 chvilin. Cud zdarycca…
Pavodle hetych fota, jaŭka na parłamienckich vybarach u maim domie skłała… 14,2%! Takoje naohuł byvaje?! Praŭda, heta nie ŭvieś dom, ale paŭtara padjezda z troch. I tut ja dom svoj zapavažaŭ! Asablivy ž dom! Moj dom nie supadaje z rajonam, horadam i krainaj u cełym.
Voś vam vyniki narodnaha vybaru na maim vybarčym učastku № 93: prahałasavali 1208 čałaviek z 2092 vybarščykaŭ (heta 57,7%).
Što całkam adpaviadaje jaŭcy ŭ Čkałaŭskaj vybarčaj akruzie (58,9%), adpaviadaje jaŭcy ŭ Minsku (59,2%) i kateharyčna nie adpaviadaje majmu dziŭnamu domu.
Ciapier ujavicie, za chvilinu da zakančeńnia vybaraŭ na kožnym vybarčym učastku adnoj akruhi fatahrafujem kolkaść tych, chto prahałasavaŭ… Zrešty, heta zanadta lohka.
Ciapier čytajuć
Biełaruska pracuje ŭ Dubai rusałkaj, kab addać doŭh 20 tysiač dalaraŭ1
Kamientary