Jak tolki jaho pryvieźli ŭ Mazyr, pačalisia abrazy, cisk i pieraśled.
Pra heta paviedamiła namieśnik staršyni «Maładoha fronta» Nasta Pałažanka. 26 vieraśnia jana razam z advakatam naviedała Mazyrskuju kałoniju, dzie z 19 vieraśnia znachodzicca Źmicier Daškievič.
«Pakul mahu tolki paviedamić, što tut, jak skazaŭ Źmicier, u try razy horš, čym u kałonii ŭ Horkach. Jak tolki jaho tudy pryvieźli, pačalisia abrazy, cisk i pieraśled, jak jon kaža, pavodle relihijnaj prykmiety.Źmicier z 21 vieraśnia abviaściŭ haładoŭku. Jašče viadoma, što jaho źmiaścili ŭ karcar. U administracyi zajavili, što kali vyjdzie ŭ presu hetaja infarmacyja, to heta adabjecca na jahonym stanoviščy. Ale ja heta razhladaju vyklučna jak pahrozu, suprać jakoj treba zmahacca. Astatniaja infarmacyja — zaŭtra ŭ presavym relizie».
Źmicier Daškievič byŭ asudžany na 2 hady pavodle abvinavačańnia ŭ chulihanstvie za dzień da prezidenckich vybaraŭ 2010 hoda i mieŭsia vyjści na volu sioleta ŭ śniežni, ale ŭ žniŭni atrymaŭ jašče hod kałonii nibyta za niepadparadkavańnie administracyi i pieraviedzieny dla adbyćcia pakarańnia z Hłybockaj kałonii ŭ Mazyrskuju.
Ciapier čytajuć
Zorka brejkdansu ź Viciebska atrymaŭ 11 hadoŭ turmy ŭ Kitai. Što zdaryłasia?4
Kamientary