Chto toj homielski hiendyrektar pradpryjemstva, jakoha vinavaciać u miljonnych machinacyjach
Siońnia MUS ź dziaržkantrolem spravazdačylisia, što raskryli maštabnuju schiemu kradziažu hrošaj na adnym ź dziaržaŭnych pradpryjemstvaŭ lohkaj pramysłovaści Homielskaj vobłaści. Nazva pradpryjemstva nie nazyvałasia, ale «Fłahštok» pasprabavaŭ vyśvietlić heta.
Pa viersii «Fłahštoka», havorka, chutčej za ŭsio, idzie ab pradpryjemstvie kancerna «Biellehpram» — AAT «Praca», jakoje raźmieščana ŭ centry Homiela i zajmajecca vytvorčaściu śpiecabutku, śpiecadzieńnia i srodkaŭ indyvidualnaj abarony.
Łahatyp mienavita hetaj fabryki pakazany ŭ videa MUS.
Na zvanok «Fłahštoka» na pradpryjemstvie adkazali, što hienieralny dyrektar Viktar Pivavaraŭ nibyta znachodzicca ŭ adpačynku i źviazacca ź im pakul nijak nielha.
Kali sapraŭdy havorka idzie ab hetym pradpryjemstvie, to jaho kiraŭnika abvinavačvajuć u prysvajeńni sum, jakija šmatrazova pieravyšajuć dachod usioj fabryki.
Pa dadzienych za 2024 hod, čysty prybytak pradpryjemstva skłaŭ usiaho 13 tysiač rubloŭ.
Charakterna, što, zhodna z pałažeńniem kancerna ab kamisii pa supraćdziejańni karupcyi, mienavita kiraŭnik pradpryjemstva źjaŭlaŭsia jaje staršynioj.
Jak paviedamiła siońnia MUS, 51‑hadovy hienieralny dyrektar dziaržpradpryjemstva razam z 46‑hadovym kiraŭnikom pryvatnaj firmy arhanizavali fiktyŭnyja pastaŭki syraviny.
Mienš čym za try hady saŭdzielniki prysvoili kala 1,4 miljona rubloŭ. Hetyja hrošy jany vykarystoŭvali dla asabistaha žyćcia: kuplali darahija aŭtamabili, budavali i dobraŭparadkoŭvali pryvatnyja damy.
Zaviedziena kryminalnaja sprava za kradziež šlacham złoŭžyvańnia słužbovymi paŭnamoctvami. Abodva padazravanyja aryštavanyja. Im pahražaje da 12 hadoŭ pazbaŭleńnia voli.
-
Da kanca hoda ŭ sieryjnuju vytvorčaść źbirajucca zapuścić biełaruski aŭtamat
-
Biznesmien Zajcaŭ bolš nie choča asacyjavacca ź fiestyvalem «Soncastajańnie»
-
«Chočaš, kab u ciabie nohi admovili, jak u Ihnatoviča?» Łosik raskazaŭ, jak pierasiakaŭsia ŭ turmie z asudžanymi za zabojstva Dźmitryja Zavadskaha
Kamientary