Siarhiej Kavalenka: Usie balački zahailisia — hutarka 36

Siarhiej Kavalenka doma 27 vieraśnia 2012 h.

Siarhiej Kavalenka doma 27 vieraśnia 2012 h.

«Naša Niva»: Siarhiej, jak siabie adčuvajecie?

Siarhiej Kavalenka: Dobra. Usie balački pazažyvali, žonačka maja pieradavała leki ŭ kałoniju. U mianie arhanizm vielmi mocny, chutka adnaŭlajecca.

«NN»: Na sudzie vy vyhladali vielmi kiepska.

SK: Paśla suda jašče horš. Važyŭ usiaho 45 kiłahramaŭ, dyk ja ŭ piatym kłasie bolš važyŭ — 47 kh. Žyvot, nohi — usio było fijaletavym. Ciapier u mianie vaha 91 kiłahram.

«NN»: Padčas haładoŭki sapraŭdy byli hatovyja pamierci?

SK: Tak, pamierci. Ja navat radavaŭsia, kali ŭ mianie pačaŭsia hiepatoz. Zeki na Vaładarcy dumali, što ja ŭžo pamior, ale pamior niechta inšy. Kali mianie advieźli ŭ durku, to vyrašyŭ, što jašče ŭkolać niešta, budu «ovaščam» na ŭsio žyćcio, praz katetar buduć karmić. Tamu i spyniŭ haładoŭku. Roŭna miesiac u mianie vaha składała 45 kiłahramaŭ.

«NN»: Čamu padpisali zvarot na imia Łukašenki?

SK: U mianie siamja. Mnie ŭsio kazali, voś napišaš, budzieš ź imi radavacca žyćciu. Vosiem dzion u ŠIZA prasili, kab raskajaŭsia, pryznaŭ vinu. A potym skazali, kab napisaŭ prosta: prašu mianie vyzvalić. Noč dumaŭ, vyrašyŭ, kali ja prasiŭ sudździaŭ, prakuroraŭ mianie vyzvalić, to čamu nie mahu ŭ Łukašenki. Jon ža taki samy čynoŭnik. Treba vam papierka — biarycie papierku. Ni ŭ čym ja nie raskajvaŭsia.

«NN»: Pa-biełarusku pisali Łukašenku?

SK: Napisaŭ na ichniaj movie.

«NN»: Paśla taho, jak zvarot byŭ napisany cisk spyniŭsia?

SK: Byŭ vypadak, kali mianie spravakavali. Znachodziŭsia 16 sutak u ŠIZA za napad na «zaŭchoza». Tam kačok taki, 190 rost. Mnie nie spadabałasia, što jon pra mianie kazaŭ inšym viaźniam. Paśla ŠIZA jašče 10 sutak pravioŭ u balničcy. Kali vyjšaŭ, to nichto mianie nie čapaŭ.

«NN»: Jak viaźni da vas stavilisia?

SK: Pa-roznamu. Haziety jany čytajuć — «Narodnuju volu», «Našu Nivu», «Svabodnyja naviny», «Kamsamołku». Ludzi ŭsio razumiejuć, ale bajacca. 23 vieraśnia hladzieli pa telebačańniu pra vybary, dyk pakazali skryniu dla hałasavańnia i piačatku. Adzin kaža: «Što vy nam pakazvajecie hetuju piačatku, nibyta my nie viedajem, jak usio robicca». Prosta čas Ch jašče nie pryjšoŭ. Ale ŭsie razumiejuć, što spadziavacca treba tolki na siabie, a nie na Rasiju.

«NN»: Nie było ŭmovaj vyzvaleńnia, kab spynili hramadskuju dziejnaść?

SK: Nie. Chacia adrazu prasili, ale zrazumieli, što biessensoŭna. Kali vyzvalali, to paprasili prosta biez pryhod dajechać dadomu.

«NN»: Vy ŭ turmie časta sustrakalisia Paŭłam Syramałotavym?

SK: Jon byŭ u susiednim siektary. Razmaŭlali amal štodnia, u tym liku pra palityku. Jon anarchist, ja — nacyjanalist. Pohlady ŭ nas trochu roznyja, ale my palityčnyja viaźni. Małajčyna jon, u svaje hady pajści na taki krok. Vielmi mužny čałaviek.

«NN»: Ciapier Vam treba budzie adznačacca ŭ milicyi?

SK: Nie dumaju pra heta. Artykuł u mianie nie taki ŭžo ciažki. Ja i tak ad ich naciarpieŭsia.

«NN»: Pra pracu ŭžo dumali?

SK: Maja zakazčyca ŭ Viciebsku čakaje mianie ŭžo dziesiać miesiacaŭ. Ja joj rablu ramont, padkazvaju z dyzajnam. Treba darabić pačataje.

0

0

0

0

0

0

Hutaryŭ Źmicier Pankaviec

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH