Siońnia ŭ Drezdenie (Hiermanija) zaviaršajecca 8‑y čempijanat Jeŭropy pa šachmatach. Paśla 10 praviedzienych turaŭ tolki adzin pradstaŭnik Biełarusi — Siarhiej Žyhałka nie maje paražeńniaŭ, paviedamili karespandentu BIEŁTA u Ministerstvie sportu i turyzmu.
U aktyvie našaha hrosmajstra try pieramohi i siem ničyich. Ciapier u Žyhałki 6,5 nabranych ačkoŭ i 59‑ie miesca ŭ turnirnaj tablicy siarod 403 udzielnikaŭ spabornictvaŭ. Pierad zaklučnym turam napieradzie Andrej Vałakicin (Ukraina) i pradstaŭnik Francyi Uładzisłaŭ Tkačoŭ, jakija majuć pa 7,5 ačka. Inšyja biełaruskija šachmatysty majuć nastupnyja pakazčyki: Alaksiej Alaksandraŭ — 6 ačkoŭ, Alaksiej Fiodaraŭ i Siarhiej Azaraŭ — pa 5,5 ačka.
U spabornictvach žančyn biełaruska Hanna Šarevič u dziesiaci turach nabrała 4,5 ačka i zajmaje 95‑ie miesca siarod 149 udzielnic turniru.
Siońnia ŭ zaklučnym tury jeŭrapiejskaha pieršynstva Siarhiej Žyhałka hulaje z Alaksandram Hrafam (Hiermanija), Alaksiej Alaksandraŭ — z Alaksandram Jeŭdakimavym (Rasija), Alaksiej Fiodaraŭ — z Marcinam Dziubam (Polšča), Siarhiej Azaraŭ — z Valancinam Ijotavym (Bałharyja), a sapiernicaj Hanny Šarevič budzie turčanka Bietuł Jułdyz. Nahadajem, što kantynientalny čempijanat pravodzicca pa šviejcarskaj sistemie ŭ 11 turaŭ z kłasičnym kantrolem času.
Ciapier čytajuć
Biełaruska adnačasova mieła dva hramadzianstvy — ale daviedałasia pra heta tolki ŭ 21 hod. Jak tak vyjšła?7
Biełaruska adnačasova mieła dva hramadzianstvy — ale daviedałasia pra heta tolki ŭ 21 hod. Jak tak vyjšła?
«Mama, davaj napišam zajavu ŭ milicyju, jon mianie ŭžo dastaŭ». Maci školnika z Bresta, jaki skončyŭ žyćcio samahubstvam, raskazała pra ckavańnie syna1919
Kamientary