Alaksandr Łukašenka rasparadziŭsia likvidavać naziralnyja rady na SP AAT «Spartak» i SAAT «Kamunarka». Adpaviednaje daručeńnie jon daŭ siońnia na naradzie pa pytańni raźvićcia kandytarskaj haliny.
«Sud pryniaŭ rašeńnie. Rašeńnie suda nie vykanaŭ chto? Naziralnyja rady. Z zaŭtrašniaha dnia naziralnyja rady likvidavać, — rasparadziŭsia Alaksandr Łukašenka. — Rašeńni suda biezumoŭna pavinny vykonvacca, a potym vy majecie prava ich abskardzić».Pavodle słoŭ Łukašenki, jon daručaŭ vielmi surjozna praanalizavać usie, što adbyvałasia na hetych pradpryjemstvach, pačynajučy z savieckich časoŭ: jak jany pryvatyzavalisia, da kaho jany trapili ŭ ruki, jak aceńvalisia, — i pryniać rašeńnie ŭ sudzie.
Majo rašeńnie adnaznačnaje, niahledziačy ni na jakich inviestaraŭ i inviestycyjny klimat. Tamu z zaŭtrašniaha dnia pradpryjemstvy pavinny funkcyjanavać tak, jak raniej.Ja pakul jašče nie kažu pra doli akcyj, pracenty, fundataraŭ — ja prosta pakul kažu pra kiravańnie pradpryjemstvami. Z zaŭtrašniaha dnia kiraŭniki pradpryjemstvaŭ prymajuć rašeńnie adnaasobna, jak dziaržpradpryjemstvy, zabyŭšysia pra toje, što ŭ ich kaliści była naziralnaja rada. Asudžać mianie ci ŭchvalać — heta ŭžo sprava hustu «, — zajaviŭ jon.
Alaksandr Łukašenka taksama rastłumačyŭ niekatoryja pryčyny, pa jakich u tym liku spatrebiłasia praviadzieńnie narady na ŭzroŭni kiraŭnika dziaržavy.«
«Zusim niadaŭna mnie, možna skazać, padkinuli jašče adzin list, — skazaŭ Alaksandr Łukašenka. — U hetym liście piša čałaviek ab tym, što čynoŭniki zamiest taho, kab dapamahać, chočuć pradać fabryki, uličvajučy asabisty intares. Chacieŭ by, kab mnie siońnia rastłumačyli, što heta za čynoŭniki, jakija chacieli pradać «Spartak» i «Kamunarku», uličvajučy asabistyja intaresy «.
Jak adznačyŭ Łukašenka, u tym liku ŭ liście havaryłasia, što dadzienaja situacyja moža tym ci inšym čynam adbicca na inviestycyjnym klimacie ŭ Biełarusi. „Hety šantaž mnie nie novy. Inviestycyjny klimat mianie, viadoma, turbuje, ale nie za košt dziaržavy i biełaruskaha naroda. Heta treba pamiatać zaŭsiody i ŭsim, chto źviartajecca da mianie“, — padkreśliŭ jon.
Havoračy ŭ cełym ab pradpryjemstvach „Kamunarka“ i „Spartak“, Alaksandr Łukašenka skazaŭ: „Ad ich my zaŭsiody čakajem i čakali značnaha ekspartu našaj pradukcyi i skaračeńnia impartu.Jak mianie prainfarmavali, pakul składajecca admoŭnaje salda pa źniešniehandlovych apieracyjach — impart pieravyšaje ekspart. Heta nikudy nie hadzicca“.
„Kamunarka“, „Spartak“ i anałahičnyja pradpryjemstvy — heta narodnyja pradpryjemstvy, i heta pradpryjemstva dla dziaciej. Hetym usio skazana,— padkreśliŭ Łukašenka.
— Kolki b ni kaštavali našy kandytarskija vyraby, baćka i maci ŭsio roŭna dla dziciaci ich kupiać.A značyć, heta stratehičnyja pradpryjemstvy, jany buduć zaŭsiody (nie našy, biełaruskija, značyć, zamiežniki ich buduć trymać), jak pradpryjemstvy pa vytvorčaści małaka, miasa, abutku, adzieńnia».
«Paŭstaje pytańnie: navošta ž treba było ŭ svoj čas ich pryvatyzavać, padzialić,— skazaŭ Alaksandr Łukašenka. — Dobra, 15–20 hadoŭ tamu była inšaja palityka, sfarmavanaja da taho, kab usie razdać. Razdali piensijanieram, fizičnym asobam, rabotnikam pradpryjemstvaŭ, acanili pa minimumu.
A potym działki našy, susiednich i dalokich dziaržaŭ, vobrazna kažučy, za butelku skupili hetyja akcyi i stali haspadarami pradpryjemstvaŭ».
«Voś da čaho pryviała takaja pryvatyzacyja i čamu ja zaŭsiody vielmi akuratna i aściarožna da jaje staŭlusia», — zaŭvažyŭ Łukašenka.
«Zapomnicie, u nas takija pradpryjemstvy nikoli niemahčyma budzie pryvatyzavać biez zhody prezidenta. Zapomnicie heta raz i nazaŭsiody.Tamu pisać pra toje, što niejkija tam čynoŭniki ŭ asabistych metach niešta chočuć… Chacieć nikomu nie škodna. Chaj chočuć — heta nie zabaraniajecca. U nas inšych pradpryjemstvaŭ takich niama. Heta našy fłahmany ŭ hetaj śfiery», — dadaŭ jon.
Kamientary