«Ja dziakuju ŭsim za mocnuju padtrymku, pra jakuju ja viedaŭ navat u turmie», — zajaviŭ były palitviazień Siarhiej Kavalenka padčas admysłovajpres-kanfierencyi ŭ Varšavie.
U kanfierencyi ŭziali ŭdzieł taksama staršynia KCHP-BNF Zianon Paźniak dy jeŭradeputat Marek Mihalski.
«Nie treba dziakavać mnie za padtrymku Siarhieja Kavalenki, heta praca i abaviazak palityka. Lepiej zapytajciesia, što zrabili inšyja palityki z roznych krainaŭ u spravie Biełarusi.Jak jany mohuć źmirycca z tym, što ES miažuje z apošniaj kłasičnaj dyktaturaj?», — hetak skazaŭ deputat Jeŭraparłamienta Marek Mihalski, uziaŭšy słova paśla Zianona Paźniaka, jaki patłumačyŭ prysutnym vahu ŭčynku Siarhieja Kavalenki.
«Hierb i biełaruski ściah -- heta nie zvyčajnyja simvały dla nas, heta simvały svabody. Nie tolki maładziony zmahajucca za ich, vyviešvajučy ściahi. Ale taksama i darosłyja ludzi, takija jak spadar Kavalenka».
Sam Siarhiej Kavalenka, jakoha prysutnyja polskija žurnalisty dy biełaruskija aktyvisty vitali apładysmientami, raskazvaŭ pra źniavoleńnie dy ściah u centry rodnaha horada, za jaki jaho i schapili.
«Kali ściah pabačyć adna asoba, to raskaža i daviedajucca jašče dziesiać. Kali na jalinie ściah apynuŭsia, dyk uvieś Viciebsk viedaŭ, bo heta ž samy centr horada»
Kanfierencyja prajšła ź inicyjatyvy Źviaza na karyść demakratyi ŭ Biełarusi dy pry dapamozie telekanała «Biełsat».
0
0
0
0
0
0
