Kali ŭ krainie niama pradstaŭničaha orhana — jaho treba stvaryć źnizu. Kali ŭ krainie niama spraviadlivych vybaraŭ — treba arhanizoŭvać ich samim. Mienavita pa takoj łohicy vyrašyła dziejničać rasijskaja apazicyja, arhanizavaŭšy ŭnikalny ŭ sučasnaj historyi palityčny ekśpierymient: usieahulnyja vybary ŭ Kaardynacyjnuju radu apazicyjnych siłaŭ.
Hałoŭnuju rolu tut adyhrali sučasnyja technałohii i sponsarskaja padtrymka, na jakuju takija prajekty ŭ Rasii jašče mohuć raźličvać.
Jašče dziesiać ci piać hadoŭ tamu, biez raźvitoha elektronnaha bankinhu, intehracyi internetu z mabilnaj suviaźziu, biez televizijnych tranślacyjanłajn i sychodu haradskoj televizijnaj aŭdytoryi ŭ internet, takoje mierapryjemstva było b niemahčymaje.
Rasijskija apazicyjnyja vybary zrabilisia ŭnikalnym dla krainy praktykavańniem u elektronnaj demakratyi.
Paŭdzielničać u vybarach možna było, nie sychodziačy z domu: usio praz sajt Centralnaha vybarčaha kamitetu.Tak zrabili niekalki dziasiatkaŭ tysiač ludziej pa ŭsioj Rasii i navat za jaje miežami. Viadoma, usio heta nie dało nikomu stoadsotkavaj harantyi, što siarod zarehistravanych i vieryfikavanych nie było machlaroŭ i prykalistaŭ — ale pahrešnaść, miarkuju, była całkam dapuščalnych pamieraŭ. To byli vybary i nie ŭ Dziaržaŭnuju dumu: kali b razmova išła ab ich i kali b u rasparadžeńni byli nie pryvatnyja srodki aktyvistaŭ, a dziaržaŭny biudžet, možna było b sistemu i ŭdaskanalić. Pakul što jana spracavała biezdakorna — kali nie ličyć toje, što ŭ pieršyja hadziny hałasavańnia sajt abrynuŭsia pad mocnaj
Vybary stalisia taksama ŭnikalnym dla Rasii aktam hramadzianskaj samaarhanizacyi i demanstracyi siły hramadzianskaj supolnaści.Dla ŭdziełu ŭ vybarach zarehistravalisia 150 tysiač čałaviek, prajšli vieryfikacyju amal 100 tysiač i prahałasavali amal 82 tysiačy.
Kali na vybarach u sapraŭdny parłamient niama sapraŭdnych debataŭ — treba arhanizoŭvać debaty samim. Sapraŭdnyja debaty prachodzili kožny viečar u žyvym efiry niezaležnaha telekanała «Dožd́». Kandydaty farmavali kaalicyi, spračalisia, abvinavačvali adno adnaho — usio vielmi surjozna. Libiertaryjancy i jeŭrasacyjalisty, rasijskija i nierasijskija nacyjanalisty, kansiervatary i demakraty,
Jaki palityčny sens u praviedzienych vybarach?
Lubaja apazicyja isnuje dla taho, kab prapanavać i stvarać toje, čaho nie moža prapanavać ułada — i tut heta było zroblena.Kaardynacyjnaja rada maje realnuju lehitymnaść i realny mandat dziejničać ad mnohich tysiač ludziej. Kaho pradstaŭlajuć tyja apazicyjaniery, chto admoviŭsia brać u hetych vybarach udzieł, ciapier nie zusim i zrazumieła.
Z rasijskich apazicyjnych vybaraŭ mahła b navučycca i biełaruskaja apazicyja.Kali ŭ krainie niama svabodnych vybaraŭ i dyskusij pra šlachi raźvićcia krainy, ale jość hramadski popyt na heta — usio možna pravieści i samastojna. I z dapamohaj sučasnych technałohij, i z dapamohaj atramantu na palec tym, chto prahałasavaŭ, jaki nie admyjecca prynamsi da kanca dnia hałasavańnia, jak toje rabili na pieršych svabodnych vybarach u Iraku.
Mienavita tak, a nie na sumnieŭnaj pradstaŭničaści kanhresie biełaruskaja apazicyja mahła b abrać adzinaha kandydata na prezidenckija vybary 2015 h. — kali jana choča, kab heta byŭ sapraŭdy narodny kandydat.Mienavita tak mahli b farmavacca abjadnańni biełaruskaj apazicyi (ADS, KRDS i što tam potym było): u vyhladzie realnaha narodnaha apazicyjnaha parłamientu, na vybary ŭ jaki hałasy sapraŭdy padličvajucca. A značyć, čyja lehitymnaść budzie bolšaj, čym u «pałaty pradstaŭnikoŭ». Internet heta ŭsio dazvalaje.
