Niekalki sotniaŭ prychilnikaŭ ukrainskaj apazicyi sabralisia na mitynh suprać mahčymych falsifikacyj na vybarach u Viarchoŭnuju Radu Ukrainy na płoščy Lesi Ukrainki ŭ Kijevie, dzie raźmieščany budynak Centralnaj vybarčaj kamisii.
U akcyi biaruć udzieł prychilniki Abjadnanaj apazicyi «Baćkaŭščyna», Usieŭkrainskaha abjadnańnia «Svaboda» i partyi Vitala Kličko «UDAR».
Da miesca praviadzieńnia mitynhu ściahnutyja ŭzmocnienyja narady milicyi. Jany papiaredžvajuć prysutnych, što Akruhovy administracyjny sud Kijeva zabaraniŭ u hety dzień lubyja masavyja akcyi kala CVK.
Napiaredadni lidary troch partyj zajavili pra hatoŭnaść «abnulić» partyjnyja śpisy i śpisy kandydataŭ u mažarytarnych akruhach i admovicca ad pracy ŭ Viarchoŭnaj Radzie, adnak kančatkovaje rašeńnie pakul nie pryniata.
Centrvybarkam Ukrainy da hetaha času nie abviaściŭ papiarednija vyniki hałasavańnia. Pavodle zakona, CVK pavinien abviaścić vyniki vybaraŭ nie paźniej za 12 listapada.
Kamientary