Hančarenka raskazaŭ pra siońniašni BATE-«Valensija»
7 listapada, BATE zhulaje z «Valensijaj» u ramkach čaćviortaha tura hrupavoha etapu Lihi čempijonaŭ.
Hałoŭny trenier BATE Viktar Hančarenka raskazaŭ, jaki vynik zadavolić barysaŭčanaŭ u haściavym pajadynku z «Valensijaj».
Jak časta za apošnija dva tydni vy viartalisia da detalovaha analizu minskaha matču suprać «Valensii»?
Ci nie kožny dzień. Kožny epizod bačyš u trochi inšym rakursie, i źjaŭlajucca novyja nazirańni i vysnovy: jak supiernik pierachodzić u ataku, viartajecca ŭ abaronu, dziejničaje ŭ pazicyjnym napadzie.
Čym vyznačajucca kamandy ŭzroŭniu «Valensii»? Jak u minułym hodzie «Barsiełonu», ich možna hladzieć biaskonca i kožny raz adkryvać toje, što chočacca pieraniać.Hod tamu my zachapilisia i pasprabavali danieści da kamandy źviestki pra ŭsiu hetuju barsiełonskuju raznastajnaść, i ŭ vyniku hulcy pierahružalisia infarmacyjaj i adklučalisia. Ciapier spraščajem toje, što bačym.
Starajemsia vyłučać nie tolki čužyja mocnyja baki, ale i tłumačyć, jak dziejničać nam. Jak na ich fonie pradjavić svaje kazyry, jakich niamała.
Pahodziciesia ź mierkavańniem, što stupień padrychtavanaści «Valensii» da hulni ŭ Minsku kankretna suprać BATE zaśpieła vas źnianacku?
Nie. Źnianacku nas nie zaśpieli.
«Valensija» pa chodu siezona apynułasia ŭ takoj krytyčnaj kropcy, kali niama kudy adstupać. Jana mabilizavałasia. I my prosta trapili pad presinh, pad jakim daŭno nie byli.Nie skazać, što razhubilisia nastolki, što nie mahli padniać hałavu. Bo pieryjadyčna vychodzili da čužych varot i stvarali momanty. A dvaccać chvilin pierad pierapynkam praviali navat lepš, čym supiernik. Ale paŭtarusia:
futboł cikavy siužetami. Možna advajavać inicyjatyvu, adnak krychu asłabić kancentracyju i atrymać pienalci ŭ svaje varoty. I hulnia adrazu pieravaročvajecca.
Biessensoŭna vypytvali pra detali płana na boj u adkaz. Ale kali ŭ ahulnych rysach: što ŭ hulni kamandy ŭ paraŭnańni ź pieršym matčam važniej za ŭsio pierajnačyć?
Treba šukać varyjanty vychadu
Jakija z subotnich uražańniaŭ ad pieramohi «Valensii» nad «Atletyka» nazaviecie najbolš važnymi?
Kinułasia ŭ vočy, nakolki sabrana, pry jakoj kancentracyi i vielizarnaj samaaddačy zhulali valensijcy. U ich znoŭ była situacyja «pan abo prapaŭ». I vyjšła najlepšaja hulnia ŭ siezonie. Tak što
kali pierad minskaj sustrečaj u «Valensii» była krytyčnaja kropka, to zaraz nastroj budzie inšym: vyjhrali, usio naładžvajecca. Takija stany padmanlivyja.Hałoŭnaje, jak na heta adreahujem my.
Ci prymalnaja ŭ Valensii, skažam, hulnia na ničyju? Z adnaho boku, heta viernaja pucioŭka ŭ Lihu Jeŭropy. A z druhoha — pry ničyjoj u Valensii navat paśla vyjhryšu ŭ «Lila» ačkoŭ dla Lihačempijonski
Ničyjny lik u Valensii budzie dla nas prymalnym. Ale, viadoma, chaciełasia b, kab u hetym vypadku «Bavaryja» da sustrečy z nami ačkoŭ užo nie hublała. Pry takim raskładzie my budziem dakładna viedać, što nam treba ŭ Miunchienie. I ŭsio ž moj charaktar i kamandny duch zaŭsiody šturchajuć da ryzyki. Pravilniej kazać nie pra ryzyku navat, a pra słušny krok, jaki daje kamandzie patrebny impuls. Da prykładu, kali ty vypuskaješ śviežaha napadnika — heta sihnał i padkazka, što treba hulać na pieramohu, być śmialej i bolš času pravodzić u napadzie. Adnak adšturchoŭvacca ŭ takich rašeńniach treba tolki ad viedańnia svajoj kamandy i ad upeŭnienaści ŭ joj.
Žyvaja tranślacyja matča na telekanale«Biełaruś-2» a 22.30.
* * *
Jak dumajecie, jaki budzie lik? Pišycie prahnozy ŭ kamientach.
«Čamu ja pavinien dakazvać, što nie darmajed?» Pradprymalnika z Homiela pamyłkova zapisali ŭ niezaniatyja — jon daviedaŭsia tolki paśla vializnych rachunkaŭ za kamunałku16
Kamientary