Heta azijackaja kraina, kiraŭniki jakoj admovilisia ad dyktatury.
Pieršaj zamiežnaj pajezdkaj prezidenta ZŠA Baraka Abamy paśla pieravybrańnia budzie vizit u Mjanmu. Jon stanie pieršym amierykanskim prezidentam u historyi, jaki naviedaŭ hetuju krainu, paviedamlaje VVS.
Jon sustreniecca ŭ Mjanmie ź lideram apazicyi Aunh San Su Čžy i prezidentam Tejn Sejnam.
Padčas svajho vizitu ŭ krainy Paŭdniova-Uschodniaj Azii prezident Abama naviedaje taksama Tajłand i Kambodžu.
Urad Birmy pravodzić u ciapierašni čas palityku ekanamičnych, palityčnych i sacyjalnych reformaŭ, jakaja sustrakaje padtrymku z boku administracyi Abamy. Dziaržsakratar ZŠA Chiłary Klintan pabyvała ŭ krainie z aficyjnym vizitam u śniežni minułaha hoda.
Abama voźmie ŭdzieł u sustrečy ŭ viarchach Asacyjacyi krain Paŭdniova-Uschodniaj Azii ŭ Kambodžy.
Raniej ZŠA abviaścili ab adnaŭleńni poŭnamaštabnych dypłamatyčnych adnosinaŭ z Mjanmaj i prypynili dziejańnie sankcyj u adkaz na vyzvaleńnie palityčnych źniavolenych i abrańnie San Su Čžy ŭ parłamient.
Amieryka taksama źbirajecca asłabić zabaronu na impart tavaraŭ z Mjanmy, jaki zastajecca važniejšy častkaj amierykanskich sankcyj.
Ahladalniki pakazvajuć, što administracyja Abamy bačyć u pieramienach u Mjanmie mahčymaść supraćstajać kitajskamu ŭpłyvu ŭ rehijonie.
Ciapier čytajuć
«Uśviedamlaju, što mahu stać pieršaj biełaruskaj, jakaja naviedaje ŭsie krainy śvietu». Padarožnica ź Minska razmaŭlaje na 8 movach i maryć pražyć 200 hadoŭ
Kamientary