Гэта азіяцкая краіна, кіраўнікі якой адмовіліся ад дыктатуры.
Першай замежнай паездкай прэзідэнта ЗША Барака Абамы пасля перавыбрання будзе візіт у М'янму. Ён стане першым амерыканскім прэзідэнтам у гісторыі, які наведаў гэтую краіну, паведамляе ВВС.
Ён сустрэнецца ў М'янме з лідэрам апазіцыі Аунг Сан Су Чжы і прэзідэнтам Тэйн Сэйнам.
Падчас свайго візіту ў краіны Паўднёва-Усходняй Азіі прэзідэнт Абама наведае таксама Тайланд і Камбоджу.
Урад Бірмы праводзіць у цяперашні час палітыку эканамічных, палітычных і сацыяльных рэформаў, якая сустракае падтрымку з боку адміністрацыі Абамы. Дзяржсакратар ЗША Хілары Клінтан пабывала ў краіне з афіцыйным візітам у снежні мінулага года.
Абама возьме ўдзел у сустрэчы ў вярхах Асацыяцыі краін Паўднёва-Усходняй Азіі ў Камбоджы.
Раней ЗША абвясцілі аб аднаўленні поўнамаштабных дыпламатычных адносінаў з М'янмай і прыпынілі дзеянне санкцый у адказ на вызваленне палітычных зняволеных і абранне Сан Су Чжы ў парламент.
Амерыка таксама збіраецца аслабіць забарону на імпарт тавараў з М'янмы, які застаецца важнейшы часткай амерыканскіх санкцый.
Аглядальнікі паказваюць, што адміністрацыя Абамы бачыць у пераменах у М'янме магчымасць супрацьстаяць кітайскаму ўплыву ў рэгіёне.
Першая вясна на волі. Ніна і Уладзімір Лабковічы расказалі пра сваю гісторыю кахання і жыццё пасля турмы5
Каментары