Siabry Hramadskaha arhkamiteta pa praviadzieńni Hoda pamiaci achviaraŭ tatalitaryzmu ŭ Biełarusi adreahavali na «niespraviadlivyja i paklopnickija słovy staršyni KCHP-BNF Zianona Paźniaka».
«Niedapuščalna dzialić pamiać pra biaźvinna zahublennych achviaraŭ stalinizmu pa nacyjanalnaj, kanfiesijnaj ci sacyjalnaj prykmietach. My suprać lubych sprobaŭ manapalizacyi praŭdy na historyju palitrepresij 1920-1950-ch hadoŭ. My suprać lubych sprobaŭ «pryvatyzacyi» miescaŭ rasstrełaŭ i pachavańniaŭ achviaraŭ stalinskaha teroru»,
— havorycca ŭ zvarocie da biełaruskaj hramadskaści.
Taki zvarot staŭ adkazam na vykazvani Zianona Paźniaka pra Kurapaty. Kali palityk nie padtrymaŭ inicyjatyvu z adkryćciom na miescy masavych rasstrełaŭ pamiatnaha znaka zakatavanym polskim aficeram, a historyka Ihara Kuźniacova abviaściŭ piersonaj non-hrata ŭ Kurapatach. Taksama jon admoviŭ inicyjatyvu hramadskaj kampanii «Havary praŭdu» i ruchu «Za svabodu» ab hurtavańni siłaŭ vakoł Kurapataŭ.
«Achviary z katami nie jadnajucca»,
— zajaviŭ Paźniak.
Zvarot padpisali byłyja viaźni HUŁAHu Uładzimir Ramanoŭski i Siarhiej Chanžankoŭ, staršynia Biełaruskaj asacyjacyi palityčnych represij Zinaida Tarasievič, historyki Łarysa Androsik i Ihar Kuźniacoŭ, kulturołah Vacłaŭ Areška, kaardynatar hramadskaj inicyjatyvy «Za Volu» Hanna Šapućka, kaardynatar kampanii «Pakajańnie» BCHD Valeryja Čarnamorcava, žurnalist Marat Haravy.
Kamientary